ຂໍທາງແດ່

ຄົນກະລຸນາເປັນລັກສະນະຂອງຄົນກ້າວໜ້າ ແລະ ພັດທະນາ. ການໃຫ້ເປັນລັດສະນະການມີລົ້ນເຫຼືອ, ຖ້າໃຫ້ເປັນ ແມ່ນວ່າ ທ່ານສາມາດສ້າງສະພາບການເຮັດວຽກທີ່ເປັນຜົນດີ ໃນການພັດທະນາບໍລິສັດໄລຍະຍາວ.

ຄຳເວົ້າສຸພາສິດທີ່ວ່າ: ປານ້ອຍກິນ ປາຫໃຍ່ ຫຼື ຝົນຕົກບໍ່ທົ່ວຟ້າ. ຄຳເວົ້າດັ່ງກ່າວ ມີຄວາມໝາຍຕໍ່ກັບການ ການເຮັດທຸລະ ກິດຄ້າຂາຍ. ຫຼືຫຼາຍຄົນມັກໄດ້ຍິນວ່າ: ຄັນບໍ່ຕົວະແລ້ວເຮັດໃດຈະເປັນນັກຄ້າຂາຍໄດ້. ໃນຄວາມເປັນຈິງແລ້ວ ຄົນທີ່ປະສົບ ຜົນສຳເລັດໃນການຄ້າຂາຍ ແມ່ນຄົນຊື່ສັດ ແລະ ມີຄວາມກະລຸນາ. ຂ້າພະເຈົ້າຈື່ໃດ ເວລາໄປຊື້ຊີ້ນ, ຮ້ານໃດຕິດບໍ່ເຕັມເທື່ອ ໜ້າບໍ່ໄປອີກ. ຫຼື ບ່ອນໃດພະນັກງານປຳ້ນຳ້ມັນ ໃສ່ບໍ່ຕາມເງິນທີ່ຈ່າຍໄປ, ຕໍ່ໄປຈະບໍ່ ໄປອີກ. ແນ່ນອນ ຄົນທີ່ມັກແຕ່ໄດ້ ຈະບໍ່ ເຫັນຜົນກະທົບໃນໄລຍະຍາວ. ເພາະຄຳເວົ້າຂອງຄົນໄວ ແລະ ຖ້າຫຼາຍໆຄົນ ເຫັນຄືກັນແລ້ວ ກໍ່ຈະເປັນຜົນເສຍຕໍ່ຄວາມ ໜ້າເຊື່ອຖືຂອງທຸລະກິດ.

ຄວາມຄິດແບ່ງປັນໃນບໍລິສັດ ເປັນການສະແດງການໃຫ້ທີ່ລຳ້ຄ່າ ເພາະຈະຊ່ວຍໃຫ້ພະນັກງານຄົນອື່ນໆໃນບໍລິສັດ ເຮັດ ວຽກ ຢ່າງມີປະສິດທິພາບຫຼາຍຂື້ນ. ເນື່ອງຈາກບໍລິສັດເປັນກຸ່ມເຄື່ອຄ່າຍທີ່ມີອຸດົມການອັນດຽວກັບທ່ານ ໃນການແກ້ໄຂບັນ ຫາ ຫຼື ເຮັດວຽກໃນຂົງເຂດດຽວກັບທ່ານ. ຈະເຮັດໃຫ້ພະນັກງານຮູ້ຈັກການໃຫ້ ຕ້ອງໄດ້ມີການສ້າງທັດສະນະດ້ວຍການ ເຝິກອົບຮົມ ແລະ ຄັດສັນພະນັກງານເຂົ້າເຮັດວຽກໃນຕອນຕົ້ນໆ. ຖ້າຫາກທ່ານ ຫຼື ອົງການມັກມີຄົນເຫັນແກ່ຕົວຫຼາຍ ແລະ ຮູ້ສຶກວ່າໃຫ້ໜ້ອຍ ທ່ານກໍ່ສາ ມາດສ້າງທັກສະດ້ວຍເຄັດລັບງ່າຍໆ ແບບນີ້ເພື່ອໃຫ້ກາຍເປັນຄົນເພື່ອແຜ່ ໃນໃນອາຊີບ ການງານ:

1. ຫວນກັບຄືນຕິດຕໍ່ກັບຄົນຮູ້ຈັກເກົ່າ

ເລີ່ມເຂົ້າຫາໃຜກໍ່ໄດ້ທີ່ທ່ານບໍ່ໄດ້ຕິດຕໍ່ມາເປັນເວລາໃດໜຶ່ງ ເພື່ອຖາມຂ່າວຄ່າວການເປັນຢູ່. ແລ້ວຮຽນຮູ້ບັນຫາທີ່ເພີ່ນກຳ ລັງພົບຢູ່ ແລະ ສະເໜີການຊ່ວຍເຫຼືອແກ້ໄຂບັນຫາຊ່ວຍ. ການສະເໜີຍື່ນມືເຂົ້າໄປຊ່ວຍຈະເຮັດໃຫ້ ເລີ່ມກັບມາສ້າງສາຍ ພົວພັນ ແລະ ພັດທະນາສາຍສຳພັນທີ່ເລິ່ງເຊິ່ງດີຂື້ນ. ຄວາມເພື່ອແພ່ທີ່ທ່ານມີໃນຄັ້ງນັ້ນ ຈະເປັນການສ້າງຈຸດປະສົງອັນດີ ລະຫວ່າງທ່ານ ແລະ ເປັນຫົນທາງອັນດີໃນການຂະຫຍາຍເຄື່ອຄ່າຍການເຮັດວຽກ.

2. ເປັນຄວາມຫວັງໃຫ້ກັບຄົນອື່ນ

ຄົນໃຫ້ມັກຈະສຸມເຫືອແຮງຂອງຕົນເອງທັງໝົດໃຫ້ກັບອານາຄົດຂອງຄົນຮ່ວມງານ. ພວກເພີ່ນຈະໃສໃຈກັບສິ່ງ ທີ່ຄົນຕ້ອງ ການ. ເພື່ອເຮັດໄດ້ແນວນັ້ນ, ທ່ານຕ້ອງໄດ້ຖາມເພື່ອນຮ່ວມງານວ່າ ພວກເພີ່ນ ພົບກັບບັນຫາໃດຫຼືບໍ່ ໃນຊ່ວງການສົນທະ ນາ. ທ່ານອາດຈະສະໜອງການຊ່ວຍເຫຼືອທັນທີ ຫຼື ສະແດງແນວຄວາມຄິດຫາທາງອອກຊ່ວຍ. ຫຼື ການສະແດງການຮັບ ຟັງທີ່ດີກໍ່ເປັນສິ່ງທີ່ດີເຊັ່ນດຽວກັນ, ຍິງທ່ານຮັບຟັງຫຼາຍ, ທ່ານຈະຍິງເຫັນທາງແກ້ໄດ້ຫຼາຍໆຮູບແບບທີ່ ຈະຊ່ວຍເປັນກຸນ ແຈຫາທາງອອກໃຫ້ໃນຕໍ່ໜ້າ.

3. ຊອກຫາຄວາມໝາຍຂອງການໃຫ້

ນັກຈິດຕະທະຍາຄົ້ນພົບວ່າການໃຫ້ ຈະຊ່ວຍສ້າງເຊວໃນເວລາເຮັດກິດຈະກຳນັ້ນໆ ຈົນເຮັດໃຫ້ທ່ານມີຄວາມສຸກ. “ການ ໃຫ້ເປັນສິ່ງທີ່ຍາກຫຼາຍຖ້າຫາກທ່ານຍັງບໍ່ທັນຄົ້ນພົບຄວາມໝາຍຂອງການໃຫ້”. ຖ້າທ່ານຕ້ອງການ “ໃຫ້” ແລະ ມີຄວາມ ສຸກກັບການໃຫ້, ທ່ານກໍ່ຄວນເລີ່ມຈາກການເຮັດໃນສິ່ງທີ່ທ່ານມັກສາກ່ອນ, ເຊັ່ນ: ເລີ່ມຕິດຕໍ່ກັບຄົນເພື່ອສະແດງຄວາມຄິດ ເຫັນໃດໜຶງ ຫຼື ແລກປ່ຽນຄວາມຄິດເຫັນກັບຄົນອື່ນ. ຊອກຫາວິທີເພື່ອຊ່ວຍຄົນອື່ນ ຕາມຄວາມສາມາດ ແລະ ຄວາມສົນ ໃຈໃນການເຮັດສິ່ງໆນັ້ນ.

4. ຮຽນຮູ້ການໃຫ້ແລະ ຮັບ

ໃນສັງຄົມຈະມີຄົນຫຼາຍໆຄົນ ທີ່ຢາກໄດ້ຜົນປະໂຫຍດແບບບໍ່ຕ້ອງເສຍຫຍັງ ແລະ ບໍ່ເຄີຍຄິດໃຫ້ຜົນປະໂຫຍດແກ່ຄົນອື່ນ. ດັ່ງນັ້ນ, ເພື່ອເຮັດໃຫ້ຄວາມເພື່ອແຜ່ຂອງທ່ານ ຕົກກັບຄົນເໜາະສົມ, ທ່ານຄວນສັງເກດເບິ່ງວ່າຈະມີໂອກາດ ໄດ້ຮັບການ ຊ່ວຍເຫຼືອຈາກຄົນອື່ນຫຼືບໍ່. ຫຼືພິດຕິກຳຂອງຄົນທີ່ ກຳລັງຊ່ວຍເຫຼືອນັ້ນ ຈະພັກດັນວຽກງານຂອງລາວ ແລະ ເຮັດໃຫ້ຄົນໆ ອື່ນໆດີຂື້ນບໍ່. ຖ້າບໍ່ດັ່ງນັ້ນ ກໍ່ບໍ່ຕ່າງຫຍັງກັບຖອກ ນຳ້ລົງທະເລຊາຍເຊິ່ງຈະບໍ່ມີມື້ເຕັມຈັກເທື່ອ. ແນ່ນອນຈະເຮັດໃຫ້ທ່ານ ກາຍເປັນຄົນບໍ່ເຫັນຄວາມສຳຄັນຂອງການໃຫ້ ແລະ ບໍ່ຄິດຢາກຈະເພື່ອແຜ່ຕໍ່ໄປ.

ໃນທີ່ສຸດ, ຄົນທຸກຄົນມີເວລາຈຳກັດ. ຈົງໃຊ້ເວລາ 8 ຊົວໂມງໃຫ້ການບໍລິການແກ່ລູກຄ້າ ແລະ ພະນັກງານ ຮ່ວມອົງ ການດ້ວຍຄວາມກະຕືລືລົ້ນ ແລະ ໃຊ້ເວລາໃຫ້ກັບຕົນເອງ ແລະ ຄົນສຳຄັນຢ່າເຕັມທີ່.