ຄວາມສຸກຂອງຊີວິດຂຶ້ນຢູ່ກັບຄຸນນະພາບຂອງຄວາມຄິດ. ເຊື່ອວ່າໃຜໆທຸກຄົນກະເປັນ. ລວມທັງຕົວຂ້າພະເຈົ້າ. ເມື່ອເຮົາບໍ່ເອົາທຸກໆຢ່າງທີ່ເຫັນເຂົ້າມາໃນຄວາມຄິດ ເມື່ອນັ້ນທ່ານກໍ່ຈະອອກໃກຈາກເຫດການທີ່ບໍ່ປາດຖະໜາ ມາເຮັດໃຫ້ຕົວທ່ານຕ້ອງຄິດເປັນທຸກ.
ບາງຄັ້ງມັນກະບໍ່ງ່າຍທີ່ຈະບໍ່ໃຫ້ຈິດໄປຕິດພັນກັບເຫດການຮ້າຍ. ຖ້າຂີ່ລົດກາຍຄົນເກີດອຸບັດຕິເຫດເຈັບໜັກຕາມ ທາງຫຼວງ, ລົດຢຽບແມວຕາຍ, ຫຼື ສະພາບຄົນທຸກຈົນ. ສິ່ງດັ່ງກ່າວ ມັນຈະສ້າງພາບ ແນວຄິດອີດູຕົນ, ເຫັນຄວາມແຕກໂຕນ ແລະ ຕ່າງໆນ່າໆເກີດເປັນຄຳຖາມ ທີ່ທ່ານອາດບໍ່ເປັນຄົນຮັບຜິດຊອບຕ້ອງຕອບ. ເຮົາອາດເບິ່ງໄປວ່າ ໂລກນີ້ມັນບໍ່ຢຸດຕິທຳ. ອາດຖາມສິ່ງສັກສິດວ່າເປັນຫຍັງ? ຄືສ້າງຄົນເຮົາໃຫ້ມີຄວາມທຸກ. ເບິ່ງອີກດ້ານໜຶ່ງ, ຖ້າເຮົາຄິດວ່າ: ຄົນທຸກໆຄົນຕ່າງມີເສັ້ນທາງເດີນສູ່ຄວາມສຸກ ທີ່ແຕກຕ່າງກັນ. ການຜ່ານ ຜ່າອຸປະສັກຄວາມຍາກທີ່ເຂົາເຈົ້າກຳລັງປະເຊີນ, ເປັນຫົນທາງ ທີ່ເຂົາເຈົ້າຕ້ອງໄດ້ເຮັດວຽກບ້ານ. ຊີວິດເຮົາກະ ມີແນວຕ້ອງໄດ້ຜ່ານຜ່າຄືກັນ.
ເຫດການໄດ້ຈັດສາກລະຄອນຊີວິດໃຫ້ຄົນໄດ້ເບິ່ງ. ໃນມູມມອງທີ່ທ່ານເຫັນຄົນຕົກທຸກ, ອາດບໍ່ແມ່ນຄວາມຈິງ. ມັນອາດເປັນພາບບ່ຽງເບນໄປຫລອກຕາ. ໃຜຈະຮູ້ຄວາມສຸກ ຫຼື ທຸກຂອງຄົນອື່ນ. ຖ້າເຮົາເຫັນສອງຄົນແກ່ຫາເງິນ ນຳທາງ ແລ້ວເບິ່ງຄືເຂົາເຈົ້າຕົກທຸກໄດ້ຍາກ, ຕົວຈິງເຂົາເຈົ້າອາດເປັນສຸກກວ່າຄົນທີ່ມີບ້ານຫຼັງໃຫຍ່ ແຕ່ລູກຫຼານພັດ ຕິດໄພສັງຄົມ, ຜົວມີບ້ານໃໝ່ ຫຼື ເມຍຕິດໄພ້.
ໃນສື່ສັງຄົມອອນໄລຄືກັນ. ຢ່າເຊື່ອສິ່ງທີ່ໄດ້ອ່ານ. ຈົ່ງກວດສອບຂໍ້ມູນຢ່າງລະອຽດ ກ່ອນຈະເຊື່ອ. ຖ້າຍັງບໍ່ແນ່ໃຈຢ່າສົ່ງຕໍ່ຂໍ້ມູນ. ຢ່າເຊື່ອຫຍັງທີ່ເຮັດໃຫ້ທ່ານຢ້ານ ແລະ ກັງວົນຫລືສື່ທີໂຄສະນາເກີນຈິງ. ຢ່າເຊື່ອໂດຍສະເພາະເລື່ອງທີ່ພິສູດທາງວິທະຍາສາດບໍ່ໄດ້. ຈົ່ງໃຫ້ໃຊ້ວິຈາລະນະຍານ ຈົ່ງຮູ້ທັນຈົ່ງລະວັງການເສບທຸກສື່. ຈົ່ງຄິດ ໄຕ່ຕອງດ້ວຍສາມັນສຳນຶກຂອງທ່ານ. ບໍ່ໃຫ້ເຊື່ອສິ່ງໃດຢ່າງງົມງາຍໂດຍບໍ່ໃຊ້ປັນຍາພິຈາລະນາແລ້ວທ່ານຈະບໍ່ຕົກເປັນເຄື່ອງມືຂອງໃຜ ແລ້ວທ່ານຈະຫມັ້ນໃຈຂຶ້ນ ບໍ່ຫວັ່ນໄຫວ ຕື່ນຕົກໃຈກັບຂ່າວທີ່ເກີດຂຶ້ນທຸກວັນ.
ເວລາຂອງທ່ານມີຈຳກັດ ຈົ່ງຢ່າເສຍເວລາໃຊ້ຊີວິດຕາມແບບຂອງຄົນອື່ນ. ເມື່ອໃດເຮົາເຫັນຄົນອື່ນທາງອອນໄລ ເປັນສຸກ, ທ່ານອາດຮູ້ສຶກວ່າຊີວິດຕົນເອງຄືເປັນແນວນີ້? ເຮົາກະຕ້ອງເກີດມີການປຽບທຽບ. ຕົວຈິງ, ພາບທີ່ເຫັນວ່າເຂົາເຈົ້າກຳລັງເປັນສຸກ ນັ້ນເປັນພຽງສ້ຽງວິນາທີ່. ກ່ອນໜ້າຖ່າຍພາບ ແລະ ຫຼັງຖ່າຍພາບໂຊ ເຂົາອາດຫ້ອງໃຫ້ ແລະ ເປັນທຸກກັບຫຼາຍໆບັນຫາ.
ຈົ່ງຢ່າຕິດຢູ່ໃນຄວາມເຊື່ອເກົ່າໆຫລືສິ່ງທີ່ປະຕິບັດຕາມກັນມາ. ເວົ້າແນວນີ້ບໍ່ໄດ້ໝາຍວ່າບໍ່ໃຫ້ດຳເນີນຊີວິດເໜືອຮີດ ຄອງປະເພນີ. ຈົ່ງເຊົາໃຊ້ຊີວິດຕາມຜູ້ອື່ນມັກ. ຢ່າຍອມໃຫ້ສຽງຈາກຄວາມຄິດຂອງຄົນອື່ນມາທັບຖົມ ສຽງຄວາມຕ້ອງການຂອງຕົວເອງ ທີ່ຊີ່ມບອກຢູ່ພາຍໃນຄວາມຄິດຂອງທ່ານ. ຈົ່ງມີຄວາມກ້າພໍທີ່ຈະເຮັດຕາມໃຈ (ບໍ່ບຽດບຽນຄົນ) ແລະ ເຊື່ອໃນສັນຊາດຕະຍານຂອງຕົວເອງ ຈົ່ງກ້າພໍທີ່ຈະອອກຈາກມຸມສະບາຍຂອງທ່ານໄປເຮັດເລື່ອງໃຫ່ມໆ. ຍິ່ງທ່ານຫລົງທາງຫລາຍເທົ່າໃດ ທ່ານຈະເຈີຕົວເອງຫລາຍຂຶ້ນເທົ່ານັ້ນ. ເມື່ອທ່ານຮູ້ປ່ອຍວາງ ຄວາມກັງວົນໃນອານາຄົດ. ແນວຄິດແບບນັ້ນ, ຈະເຮັດໃຫ້ທ່ານມີອຳນາດໃນການຄອບຄຸມແນວຄິດດີ ແລະ ການ ກະທຳ.
Viengsombath Bangonesengdet Editor in chief
ຊ່ວຍສ້າງສັນສິງເປັນປະໂຫຍດແກ່ສັງຄົມ. ມີຄວາມສາມາດທີ່ມາຈາກປະສົບການ ແລະ ການສຶກສາ ຕິດພັນກັບຂົງເຂດ: ຍຸດທະສາດການບໍລິຫານ, ການຕະຫຼາດ, ການວາງແຜນທຸລະກິດ, ການຄ້າ ທາງອອນໄລ, ນະໂຍບາຍບຸກຂະລາກອນ, ປັບປຸງອົງການຈັດຕັ້ງ, ການສ້າງຍີ່ຫໍ້ສິນຄ້າ ແລະ ສອນ ເຕັກນິກການນຳພາ. ທ່ານສາມາດ ໃຊ້ບໍລິການພິເສດ ຫຼື ຕິດຕາມເຕັກນິກຜ່ານທາງເວັບໄຊນີ້.
