ຈົ່ງປ່ຽນຂໍ້ອ້າງເປັນຫາວິທີເຮັດວຽກ. ເມື່ອທ່ານປ່ຽນວິທີທີ່ທ່ານເບິ່ງ ສິ່ງອ້ອມຂ້າງສິ່ງເຫລົ່ານັ້ນກໍປ່ຽນໄປ. ການບໍ່ເລືອກຄືທາງເລືອກທີ່ທ່ານເລືອກ. ທ່ານເລືອກທີ່ຈະບໍ່ເຮັດຫຍັງໃຫ້ດີຂຶ້ນບໍ່? ຫຼື ທ່ານເລືອກທີ່ຈະໃຊ້ຊີວິດໄປເລື່ອຍໆ? ທ່ານເລືອກທີ່ຈະໃຊ້ຊີວິດແບບນີ້ຕໍ່ໄປເປັນຕົ້ນ.
- ສ້າງຄວາມຫມັ້ນໃຈໂດຍປ່ຽນ “ຂ້ອຍເຮັດບໍ່ໄດ້ ເປັນ ຂ້ອຍເຮັດໄດ້”
ທັນທີທີ່ທ່ານບອກວ່າທ່ານເຮັດໄດ້ ຈິດໃຕ້ສຳນຶກຂອງເຮົາຈະຫາວິທີທີ່ເຮັດໃຫ້ໄດ້. ຂໍແຕ່ທ່ານຕ້ອງເຮັດ ແລະ ເຮັດມັນໃຫ້ໄດ້ ໂດຍບໍ່ຕ້ອງກັງວົນກັບຄວາມລົ້ມເຫລວຫລືຜິດພາດ. ຈົ່ງບອກຕົວເອງຢູ່ສະເຫມີວ່າ ຢ່າງນ້ອຍກໍ່ໄດ້ລອງເຮັດ. ການໄດ້ລອງເທື່ອທີ່ຫນຶ່ງອາດຈະບໍ່ສຳເລັດ ແຕ່ຄັ້ງຖັດໄປອາດສຳເລັດ ແລະ ຕ້ອງສຳເລັດ. ຈົ່ງເຊື່ອຫມັ້ນ.
- ສ້າງຄວາມສຸກໂດຍປ່ຽນ ດ້ວຍຄຳເວົ້າ “ຈຳໃຈເຮັດ ເປັນ ຂ້ອຍບໍ່ຕ້ອງຝືນ”
ຈື່ໄວ້ວ່າທ່ານບໍ່ຕ້ອງເຮັດໃນສິ່ງທີ່ທ່ານບໍ່ຢາກເຮັດກໍໄດ້. ໂດຍບໍ່ຕ້ອງຢ້ານວ່າຄົນເຫລົ່ານັ້ນຈະຜິດຫວັງ ແລະ ເສຍໃຈ. ຄົນທີ່ຮັກເຮົາຢ່າງແທ້ຈິງ ບໍ່ວ່າເຮົາຈະເຮັດແນວໃດເຂົາກໍຍັງຮັກເຮົາຢູ່ດີ ແລະ ຖ້າທ່ານຍອມທຳຕາມໃຈຄົນອື່ນ, ຈັກນ້ອຍຈະເຮັດໃຫ້ທ່ານປ່ວຍໂດຍບໍ່ໄດ້ຕັ້ງໃຈ. ຈົ່ງໃຊ້ຊີວິດໃນແບບຂອງທ່ານ ບໍ່ແມ່ນໃນແບບຂອງໃຜ.
- ບໍ່ຢ້ານຫລືກັງວົນ ແຕ່ກ້າຫານພໍທີ່ຈະເວົ້າໃນສິ່ງທີ່ຄິດ ໂດຍປ່ຽນ “ຄວາມຢ້ານ ເປັນ ຄວາມກ້າ”
ຫລາຍຄົນຮູ້ສຶກຕົວເອງບໍ່ກ້າວຫນ້າເທົ່າທີ່ຄວນ. ທັ້ງທີ່ຕົວເອງມີແນວຄິດ ແລະ ຄວາມສາມາດຫລາກຫລາຍ. ແຕ່ເພາະຢ້ານ ເລີຍໃຫ້ຄົນອື່ນເວົ້າໃຫ້ໃຫ້ຄົນອື່ນອອກຫນ້າຫລາຍຄົນໂດຍນາຍ ຫລື ເພື່ອຮ່ວມງານເອົາຜົນງານຈາກວຽກງານຂອງຕົວເອງ ຫລາຍຄົນຍອມໃຫ້ຄົນອື່ນເລືອກຊີວິດ ເຊັ່ນເລື່ອງນ້ອຍທີ່ສຸດ ເມື່ອມີຄົນຖາມວ່າຈະກິນຫຍັງດີ. ຄົນທີ່ບໍ່ກ້າມັກບອກ ຫລື ຕອບດ້ວຍຄວາມເກງໃຈວ່າກິນຫຍັງກໍໄດ້ ເມື່ອທ່ານປ່ອຍໃຫ້ຄົນອື່ນເລືອກຄົນເຫລົ່ານັ້ນກໍຈະເລືອກສິ່ງທີ່ພວກເຂົາໄດ້ຜົນປະໂຫຍດ ບໍ່ແມ່ນທີ່ເຮົາໄດ້ຜົນປະໂຫຍດ. ນີ້ຄືຕົວຢ່າງເລື່ອງທີ່ນ້ອຍທີ່ສຸດ. ຢາກສະເຫນີຄວາມຄິດຫຍັງ ລອງກ້າທີ່ຈະເວົ້າ. ທ່ານຈະສ້າງແນວຄວາມຄິດໃຫ່ມໃຫ້ຄົນຮອບຂ້າງແນ່ນອນ.
- ເລືອກເດີນເສັ້ນທາງໃຫ່ມ ໂດຍປ່ຽນກິດຈະກຳເກົ່າໆ ທີ່ເຮັດຊ້ຳໆເປັນ ເຮັດເລື່ອງໃຫ່ມໆທີ່ບໍ່ເຄີຍເຮັດ
ທ່ານສາມາດເລືອກທີ່ຈະກວດສອບຊີວິດຂອງທ່ານວ່າທ່ານຈະມີຊີວິດທີ່ປ່ວຍ ຫລື ມີຊີວິດທີ່ແສນຈະສົດໃສງົດງາມ. ຈົ່ງເລືອກສິ່ງທີ່ດີກວ່າໃຫ້ຊີວິດທ່ານຍ່າງທີ່ຕ່າງໄປ. ມັນອາດບໍ່ແມ່ນເສັ້ນທາງເດີມໆແບບທີ່ຄົນໃນສັງຄົມເຮັດ ແຕ່ຖ້າມັນເປັນທາງແຫ່ງຄວາມສຸກ ຈົ່ງກ້າພໍທີ່ຈະເດີນສວນທາງ. ທ່ານມີອຳນາດ ແລະ ສະຫລາດທີ່ຈະເລືອກ. ທ່ານມີອິດສະຫລະຢ່າງເຕັມທີ່ໃນການເລືອກຊີວິດຕ່າງໄປ ແລະ ມັນບໍ່ແມ່ນເລື່ອງຜິດ.
ໃນທີ່ສຸດ, ຊີວິດເປັນຂອງທ່ານ. ຫາກທາງເລືອກໃນການດຳເນີນຊີວິດ ບໍ່ຂັດກັບສິນທຳ, ຫຼື ບຽດບຽນຊີວິດໃຜ. ທ່ານຕ້ອງເລືອກທາງໆນັ້ນ ເພື່ອຕົວທ່ານເອງ.
Viengsombath Bangonesengdet Editor in chief
ຊ່ວຍສ້າງສັນສິງເປັນປະໂຫຍດແກ່ສັງຄົມ. ມີຄວາມສາມາດທີ່ມາຈາກປະສົບການ ແລະ ການສຶກສາ ຕິດພັນກັບຂົງເຂດ: ຍຸດທະສາດການບໍລິຫານ, ການຕະຫຼາດ, ການວາງແຜນທຸລະກິດ, ການຄ້າ ທາງອອນໄລ, ນະໂຍບາຍບຸກຂະລາກອນ, ປັບປຸງອົງການຈັດຕັ້ງ, ການສ້າງຍີ່ຫໍ້ສິນຄ້າ ແລະ ສອນ ເຕັກນິກການນຳພາ. ທ່ານສາມາດ ໃຊ້ບໍລິການພິເສດ ຫຼື ຕິດຕາມເຕັກນິກຜ່ານທາງເວັບໄຊນີ້.
