ຕາຍຍ້ອນຂ່າວປອມ

ຍ້ອນຄົນບໍ່ດີ. ແຜ່ຂ່າວເຮັດໃຫ້ຄົນຫຼົງເຊື່ອ. ທີ່ປະເທດອີຣ່ານ ມີຜູ້ເສຍຊີວິດຫລາຍກວ່າ 700 ຄົນຫລັງຈາກດື່ມເຫຼົ້າເພື່ອຮັກສາໂຣກ ໂຄວິດ19. ຕາມຄວາມເຊື່ອໃນແຫຼ່ງຂ່າວໜຶ່ງ. ເຫຼົາທີ່ວ່າແມ່ນທາດ ເມຕາໂນ (methanol) ທີ່ເປັນສານພິດ ທີ່ຫຼາຍຄົນຖືກຫຼອກໃຫ້ເຊື່ອ ວ່າມັນສາມາດຊ່ວຍຕ້ານໂຄວິດ.

ພະນັກງານທີ່ອົງການປົກຄອງແຫ່ງຊາດກ່າວວ່າ, ການດື່ມເຫຼົ້າແມ່ນໄດ້ເຮັດໃຫ້ຊາວອີຣານ 728 ຄົນເສຍຊີວິດໃນລະຫວ່າງວັນທີ 20 ເດືອນກຸມພາຫາວັນທີ 7 ເມສາປີກາຍນີ້, ມີພຽງແຕ່ 66 ຄົນເສຍຊີວິດຈາກການເປັນພິດເຫຼົ້າ, ອີງຕາມການລາຍງານ. ການລາຍງານຂ່າວຂອງລັດຖະບານທີ່ ນຳອອກເຜີຍແຜ່ໃນຕົ້ນເດືອນເມສາຜ່ານມາ, ໃນໄລຍະໜຶ່ງປີທີ່ຜ່ານມາ, ການເປັນພິດຂອງເຫຼົ້າແມ່ນໄດ້ເພີ່ມຂື້ນ 10 ເທົ່າໃນອີຣານ.

ໂຄສົກກະຊວງສາທາລະນະສຸກອີຣານ ກ່າວວ່າມີປະຊາຊົນ 5,011 ຄົນໄດ້ຮັບສານພິດຈາກເຫຼົ້າເມທາໂນ, ໂດຍ ກ່າວຕື່ມວ່າມີປະຊາຊົນ 90 ຄົນຕາບອດ ຫລື ກຳລັງປະສົບຄວາມເສຍຫາຍໃນສາຍຕາຈາກການເປັນພິດຂອງເຫຼົ້າ. ທີ່ປຶກສາຂອງກະຊວງສາທາລະນະສຸກກ່າວວ່າ ສະຖິຕິຂອງຄົນທີ່ສູນເສຍສາຍຕາອາດຈະສູງກວ່າຫຼາຍ. ປະເທດອີຣ່ານກຳລັງປະເຊີນກັບການລະບາດຂອງພະຍາດ ໂຄວິດທີ່ຮ້າຍແຮງທີ່ສຸດໃນເຂດຕາເວັນອອກກາງ. ໂດຍມີຜູ້ເສຍຊີວິດ 5,806 ຄົນແລະກໍລະນີທີ່ໄດ້ຮັບການຢັ້ງຢືນແລ້ວຫຼາຍກວ່າ 91,000 ຄົນ ຕິດເຊື້ອ.

ທາດ ເມຕາໂນນ Methanol ທີ່ບໍ່ມີກິ່ນ ຫຼື ລົດຊາດໃນເຄື່ອງດື່ມ ມັນເຮັດໃຫ້ເກີດອະໄວຍະວະ ແລະ ສະໝອງເສື່ອມ. ອາການຕ່າງໆປະກອບມີອາການເຈັບຫນ້າເອິກ, ປວດຮາກ, ຂາດນໍ້າ, ຕາບອດ ແລະ ແມ້ກະທັ້ງເສຍສະຕິ. ແພດ ແລະ ອົງການຈັດຕັ້ງລັດຖະບານໄດ້ເລັ່ງອອກ ຄຳເຕືອນຕໍ່ການບໍລິໂພກຢາຂ້າເຊື້ອໂລກເຊັ່ນ: ການຟອກ. ໃນປະເທດອີຣ່ານ, ລັດຖະບານໄດ້ກຳນົດໃຫ້ຜູ້ຜະລິດທາດເບື່ອ,​ ທາດພິດ ເພີ່ມສີປອມເຂົ້າໃນຜະລິດຕະພັນຂອງພວກເຂົາ ເພື່ອໃຫ້ປະຊາຊົນສາມາດ ຮັບຮູ້ວ່າມັນມີສານພິດ ແລະ ກິນບໍ່ໄດ້. ຍົກເວັ້ນຈາກເອທານອນ, ປະເພດເຫຼົ້າທີ່ສາມາດໃຊ້ໃນການ ທຳຄວາມສະອາດບາດແຜ. ຍ້ອນແນວນີ້, ຄົນຈິ່ງຫຼົງເຊື່ອ ແລະ ກິນເຂົ້າໄປ.

ໃຜໆກະຢ້ານຄວາມຕາຍ. ໃຜໆກະຢາກມີອາຍຸຍືນຍາວ. ໃນຊ່ວງລຳບາກ, ການພັກດັນຂໍ້ມູນທີ່ເປັນຈິງ ແລະ ການສົ່ງເສີມໃຫ້ຄົນຄົນມີສຸກກະພາບແຂງແຮງ ແມ່ນໜ້າທີ່ຂອງພວກເຮົາໝົດທຸກໆຄົນ. ຖ້າທ່ານບໍ່ແນ່ໃຈວ່າຂໍ້ມູນທີ່ກຳລັງຈະສົ່ງຕໍ່ບໍ່ເປັນຄວາມຈິງ ຫຼື ສົງໃສວ່າເປັນຄວາມຈິງແທ້ບໍ່? ທ່ານບໍ່ຄວນນຳອອກ. ບໍ່ຊັ້ນທ່ານກໍ່ຈະເປັນເຄື່ອງມືໃຫ້ຄົນກະຈາຍຂ່າວປອມ.