ຂໍເຊີນບັນດາທ່ານ ມາຮູ້ຈັກກົດເກນທີ່ພາໃຫ້ຄົນເຮົາ ດຳລົງຊີວິດແບບມີຄວາມສຸກ. ສິ່ງທີ່ນຳສະເໜີໃນນີ້, ແມ່ນບົດ ຮຽນຕົວຈິງ ທີ່ໄດ້ຈາກປະສົບການ ແລະ ການນຳໃຊ້ກົດເກນ ຫຼື ປະສົບການຂອງຄົນອື່ນໃນການ ດຳລົງຊີວິດຕົວ ຈິງ. ນອກນັ້ນ, ຍັງແນະນຳ ວິທີການດຳລົງຊີວິດ ໃນຮູບແບບຂອງທ່ານ ໃຫ້ສາມາດມີຄວາມສຸກໄດ້ ແບບທີ່ບໍ່ຕ້ອງ ບຽດບຽນໃຜ. ບົນຄວາມສຸກ: ຄົນເຮົາມັກຢາກໃຫ້ມີນັ້ນມີນີ້, ມີເງິນ, ມີຕຳແໜ່ງ, ມີວັດຖຸ ເພັດນິນຈິນດາ. ໃນນີ້, ບໍ່ໄດ້ແນະນຳວ່າ ບໍ່ຕ້ອງມີຫຍັງກະເປັນສຸກໄດ້ ຫາກໄດ້ຍົກ ວິຖີຊີວິດທີ່ບໍ່ຖືເອົາປັດໃຈພາຍນອກມາກຳນົດ ຄວາມສຸກ.
ຖ້າທ່ານດຳລົງຊີວິດແບບເປັນສຸກໃນທຸກໆວັນ, ມັນຈະເຮັດໃຫ້ທ່ານ ມີສາຍພົວພັນທີ່ດີກັບໝູ່ເພື່ອນ, ສະມາຊິກໃນ ຄອບຄົວ, ຄົນແປກໜ້າ ແລະ ກັບຄົນອື່ນໆໃນສັງຄົມ. ຄວາມສຸກເຮັດໃຫ້ຄົນເຮັດວຽກ, ແລະ ຮຽນໄດ້ດີຂື້ນ. ຈາກ ເງື່ອນໄຂນັ້ນ, ແນ່ນອນມັນຈະເພີ່ມຄວາມສາມາດໃນການຜະລິດ ແລະ ມີຫົວຄິດປະດິດສ້າງ. ໃນນີ້, ມີຫຼາຍຮູບ ແບບກົດເກນເກືອບເຄິ່ງ 100 ຫຼັກການ ມານຳສະເໜີ ໃຫ້ທ່ານໄດ້ມີທາງເລືອກ, ເນັ້ນໃຫ້ເຫັນພາບລວມຂອງການ ດຳລົງຊີວິດ, ມີຄວາມເພີ່ງພໍໃຈ, ມີປະສົບການທີ່ໜ້າຈົດຈຳ, ມີເວລາໃນການເລືອກເຮັດສິ່ງທີ່ທ່ານມັກ ແລະ ຍັງມີຫຼາຍຢ່າງທີ່ບໍ່ສາມາດແນະນຳໃນນີ້. ທ່ານຕ້ອງເຂົ້າມາຮຽນປະສົບການໃນຫຼັກສູດນີ້ນຳກັນ.
ສິ່ງທີ່ທ່ານຈະໄດ້ຈາກຫຼັກສູດ
ທ່ານຄວນເຂົ້າຫຼັກສູດນີ້ບໍ່?
ບໍ່ເມື່ອໃດທ່ານກຳລັງຕົກທຸກ, ຄວາມສຸກເປັນສິ່ງທີ່ຂາດຫາຍໄປແມ່ນບໍ່? ຂ້າພະເຈົ້າບໍ່ຢາກແນະນຳສະເພາະຄົນກຸ່ມ ທີ່ກຳລັງປະເຊີນກັບປັນຫາຫຸຍ້ງຍາກໃນຊີວິດມາເຂົ້າໃນຫຼັກສູດນີ້. ເປັນຕົ້ນ ໃນຍາມທີ່ເຂົາເຈົ້າຜິດຫວັງ ບໍ່ວ່າຈະ ເປັນຈາກການງານ, ຄົນຮັກ, ການຈາກໄປຂອງພີ່ນ້ອງ, ໝູ່ເພື່ອນ ແລະ ພໍ່ແມ່. ເຊື່ອແນ່ວ່າ ທຸກໆຫົວຂໍ້ໃນນີ້ ຈະພາກຄວາມທຸກໂສກອອກຈາກຊີວິດ ຖ້ານຳມາປະຕິບັດ.
ໃນບາງຄັ້ງ ຄົນເຮົາກະຍັງເປັນທຸກ ໃນຂະນະທີ່ເຮົາມີຫຼາຍກວ່າຄົນອື່ນໆ ແຕ່ພັດຍັງນ້ອຍກວ່າຄົນຜູ້ໃດໜຶ່ງ. ການປຽບທຽບ ແລະ ແຂ່ງຂັນກັນໃຫ້ມີ ເປັນວິທີຄົ້ນຄິດເຮັດໃຫ້ຄົນເຮົາຮູ້ສຶກດ້ອຍ, ບໍ່ພໍໃຈກັບສິ່ງທີ່ມີ ແລະ ກໍ່ໃຫ້ເກີດມີຄວາມກັງວົນ. ສຳລັບຍິງສາວ, ຄວາມງາມຂອງຮູບຮ່າງໜ້າຕາ ສ້າງໃຫ້ແມ່ຍິງເກີດມີການປຽບທຽບ ຈົນເຮັດໃຫ້ບໍ່ສະບາຍໃຈ. ແນວຄວາມຄິດເຫຼົ່ານີ້ເອງ ທີ່ພາໃຫ້ຊີວິດຄົນເຮົາ ໄປຕົກໃນສະຖານະການແຫ່ງ ການມີຊີວິດແບບບໍ່ເປັນສຸກກັບສິ່ງທີ່ມີ. ນັກຮຽນທີ່ອ່ອນໃນຫ້ອງຮຽນ ກະອາດມີຄວາມກັງວົນກັບຜົນການຮຽນ, ການສອບເສັງເລື່ອນຊັ້ນ, ແລະ ການເສັງເຂົ້າສະຖາບັນຫຼັງການສຶກສາ.
ໃນຫຼັກສູດນີ້, ຈະເປັນທາງໜຶ່ງໃຫ້ທ່ານໄດ້ທົບທວນຊີວິດທີ່ມີ ແລະ ສືບຕໍ່ດຳລົງຊີວິດແບບມີແຮງບັນດານໃຈ ແລະ ເປັນສຸກໃນໜ້າທີ່ການງານ.
