ຈາກຟ້າສູ່ໜ້າດິນ

ຈົບຍ້ອນໂຄວິດ. ຜູ້ໃຫ້ບໍລິການສາຍການບິນ Avianca ຂອງບໍລິສັດການບິນ Colombian, ສາຍການບິນທີ່ມີອາຍຸຍືນທີ່ສຸດອັນດັບສອງຂອງໂລກ ຫາກໍ່ລົ້ມລະລາຍຍ້ອນໂຣກລະບາດໂຄວິດ19, ຫລັງຈາກບໍ່ໄດ້ຮັບປະກັນການຊ່ວຍເຫລືອຈາກລັດຖະບານໃນການຈ່າຍໜີ້.

ຕາມຂ່າວແຈ້ງວ່າ, Avianca ຈ້າງແຮງງານໂດຍກົງ 21.000 ຄົນໃນທົ່ວອາເມລິກາລາຕິນ. ເກືອບ 90% ຂອງບັນດາປະເທດທີ່ ສາຍການບິນ Avianca ດຳເນີນງານແມ່ນ ຖືກຈຳກັດການເດີນທາງທັງໝົດ ຫຼື ໃຫ້ບິນບາງສ່ວນ, ອີງຕາມຂໍ້ມູນເພີ່ມເຕີມໃນເວັບໄຊທ໌ Avianca. ຫົວໜ້າບໍລິຫານໃຫຍ່ ຂອງບໍລິສັດຂອງບໍລິສັດ ກ່າວວ່າ “Avianca ກຳລັງປະເຊີນກັບວິກິດການທີ່ທ້າທາຍທີ່ສຸດໃນປະຫວັດສາດ ໃນຮອບ 100 ປີ ຂອງພວກເຮົາ. ໃນຂະນະທີ່ພວກເຮົາ ປະເຊີນໜ້າກັບຜົນກະທົບຂອງພະຍາດລະບາດທົ່ວໂລກ.

Avianca ທີ່ຕັ້ງຢູ່ ນະຄອນຫຼວງ ໂບໂກຕ່າ ຈະເປັນໜຶ່ງ ໃນບັນດາບໍລິສັດຂົນສົ່ງຂະໜາດ ໃຫຍ່ແຫ່ງທຳອິດໃນທົ່ວໂລກທີ່ໄດ້ຮັບຜົນກະທົບຈາກໂລກລະບາດ, ເຊິ່ງໄດ້ເຮັດໃຫ້ການທ່ອງທ່ຽວຂອງໂລກຊຸດໂຊມ. ບໍລິສັດ Avianca ບໍ່ໄດ້ບິນຖ້ຽວບິນໂດຍສານທີ່ໄດ້ກຳນົດເປັນປົກກະຕິຕັ້ງແຕ່ທ້າຍເດືອນມີນາ ແລະ ພະນັກງານເກືອບ 20.000 ຄົນຂອງພວກເຂົາທັງໝົດ ບໍ່ໄດ້ຮັບຄ່າຈ້າງໃນໄລຍະວິກິດ.

ໃນຂະນະທີ່ Avianca ມີຄວາມອ່ອນແອຢູ່ແລ້ວກ່ອນການລະບາດຂອງໂຣກ, ການຍື່ນຫາການລົ້ມລະລາຍຂອງມັນໄດ້ຊີ້ໃຫ້ເຫັນເຖິງບັນດາສິ່ງທ້າທາຍ ສຳລັບສາຍການບິນທີ່ບໍ່ສາມາດນັບໄດ້ກ່ຽວກັບການຊ່ວຍເຫຼືອຂອງລັດ ຫລືກ່ຽວກັບການກູ້ໄພແບບນີ້ມາໄວພໍສົມຄວນ. Avianca ຍັງມີຄວາມຫວັງກ່ຽວກັບເງິນຊ່ວຍເຫຼືອລ້າຂອງລັດຖະບານ.

ຫົວໜ້ານັກເສດຖະສາດ ຂອງບໍລິສັດທີ່ປຶກສາການບິນແຫ່ງໜຶ່ງ ກ່າວວ່າ “ນີ້ບໍ່ແມ່ນເລື່ອງແປກຫຍັງເລີຍ!” “ບໍລິສັດໄດ້ຕິດ ໜີ້ຢ່າງໜັກ. ເຖິງວ່າຈະມີຄວາມພະຍາຍາມທີ່ຈະປັບໂຄງສ້າງໜີ້ສິນຂອງຕົນໃນປີກາຍນີ້.” Avianca, ເຊິ່ງເປັນບໍລິສັດການບິນເກົ່າແກ່ທີ່ສຸດ ທີ່ສືບຕໍ່ດຳເນີນການຕໍ່ເນື່ອງໃນໂລກຫຼັງຈາກ KLM ມີ ໜີ້ ສິນ 7,3 ຕື້ໂດລາໃນປີ 2019.

ສະມາຄົມນັກບິນພົນລະເຮືອນ ແຫ່ງປະເທດໂຄລົມເບຍ ແລະ ສະຫະພັນທີ່ເປັນຕົວແທນໃຫ້ແກ່ພະນັກງານ Avianca ຫຼາຍຄົນ, ກ່າວການສະໜັບສະໜູນການເຄື່ອນໄຫວດັ່ງກ່າວ. Avianca ໄດ້ ລອດພົ້ນການລົ້ມລະລາຍແລ້ວໃນຕົ້ນຊຸມປີ 2000. ການຕັດຄ່າໃຊ້ຈ່າຍບໍ່ໄດ້ຊ່ວຍຫຍັງ. ຄະນະກຳມະການບໍລິຫານທີ່ໄດ້ເຂົ້າຮັບຕຳແໜ່ງກ່ອນໜ້ານີ້ ໄດ້ພະຍາຍາມຕັດຄ່າໃຊ້ຈ່າຍສາຍການບິນໃນປີ 2021​ ກ່ອນວິກິດ ແຕ່ໍ່ຊ່ວຍຫຍັງບໍ່ໄດ້.

ໃນສະພາບສາຍການບິນທີ່ມີໜີ້ສິນ ແລະ ການປິດສາຍການບິດເປັນເວລາຫຼາຍເດືອນ ຍິ່ງຊໍ້າເຕີມ ເຮັດໃຫ້ການລົ້ມ ເປັນສິ່ງທີ່ຫຼີກລຽງບໍ່ໄດ້. ໃນປະຈຸບັນ, ມີຫຼາຍສາຍການບິນຖືກກະທົບ, ລວມທັງ Virgin Ariline ທີ່ເປັນສາຍການບິນແນວໜ້າ ກໍ່ຕ້ອງປະກາດລົ້ມລະລາຍ. ຍັງບໍ່ເປັນທີ່ແນ່ຊັດວ່າ ກ່ອນ ແລະ ຫຼັງໂຄວິດຈົບໄປ, ຈະມີສາຍການບິນໃດແດ່ຄົງເຫຼືອ. ນັ້ນໝາຍເຖິງການສູນເສຍພະນັກງານ ແລະ ການຈ້າງງານສາຍການບິນ ທີ່ກຽມຕົກຟ້າມາເຮັດວຽກໃນໜ້າດິນ.