ເປັນຫຍັງການເລືອກຈຶ່ງເປັນເລື່ອງສຳຄັນ. ສຳລັບຊີວິດທ່ານ, ຈຳເປັນຕ້ອງໄດ້ຄັດສັນສິ່ງທີ່ທ່ານຕ້ອງການ ຫຼື ເດີນຕາມ ທາງທີ່ຈະພາໃຫ້ຕົນເອງໄປສູ່ເປົ້າໝາຍ. ຄົນຈະເຄົາລົບໃນຄວາມເປັນທ່ານຫລາຍຂຶ້ນບໍ່ວ່າເຂົາຈະເຫັນດີກັບທ່ານຫລືບໍ່ເຫັນກໍຕາມ. ຄົນມັກຊື່ນຊົມຄົນທີ່ມີຄວາມເຫັນຫລາຍກວ່າຄົນທີ່ບໍ່ມີຄວາມເຫັນຫຍັງເລີຍ. ເຊັ່ນ: ຄົນທີ່ຕອບວ່າ ແລ້ວແຕ່ທ່ານ ກິນຫຍັງກະໄດ້ ເຮັດຫຍັງກະໄດ້.
ຄົນທີ່ບໍ່ມີຄວາມເຫັນມັກຈະຖືກເບິ່ງຂ້າມຫລາຍກວ່າຄົນທີ່ມີຄວາມເຫັນ. ນອນນັ້ນ, ທ່ານຈະຮູ້ສຶກວ່າຕົວເອງມີຄຸນຄ່າຫລາຍຂຶ້ນເພາະໄດ້ເລືອກສິ່ງທີ່ທ່ານມັກ ເວົ້າສິ່ງທີ່ທ່ານຄິດ ແທ້ກັບຄວາມຮູ້ສຶກຕົວເອງໃນຄະນະທີ່ຄົນທີ່ບໍ່ຍອມເລືອກມັກເຮັດຕົວເປັນເຍື່ອ.
ທ່ານຈະມີຄວາມກັງວົນນ້ອຍລົງ ເພາະທ່ານເປັນຄົນເລືອກສິ່ງທີ່ຢາກຈະເຮັດດ້ວຍຕົນເອງ. ຖ້າທ່ານບໍ່ເລືອກຄົນອື່ນຈະເລືອກໃຫ້ແລະແນ່ນອນວ່າຈະບໍ່ແມ່ນທາງເລືອກທີ່ໃຫ້ຜົນດີແລະເປັນປະໂຫຍດກັບທ່ານ. ທ່ານມີສິດທີ່ຈະເລືອກ ເລືອກວ່າຈະຍອມໃຫ້ໃຜມີອິດທິພົນຕໍ່ຊີວິດ. ທ່ານເລືອກວ່າຈະເຮັດແບບໃດກັບສິ່ງໃດໄດ້, ເລືອກວ່າທ່ານຈະອອກແບບຊີວິດແບບໃດໃຫ້ກັບຕົວເອງໄດ້. ດັ່ງນັ້ນ, ຈົ່ງເລືອກແຕ່ເລື່ອງດີໆເລືອກທີ່ຈະເບິ່ງໂລກໃນແງ່ດີ, ຄິດໃນດ້ານບວກ, ເລືອກປະຕິບັດດີກັບທຸກໆຄົນ ແລະ ຕົວເອງ ເພາະມັນເຮັດໃຫ້ທ່ານຮູ້ສຶກດີ ແລະ ມີຄວາມສຸກຫລາຍກວ່າ. ຈົ່ງບອກກັບຕົວເອງສະເຫມີວ່າ:
- ສາມາດເລືອກສິ່ງທີ່ມີຜົນກະທົບຕໍ່ຕົນເອງ;
- ສາມາດເລືອກທີ່ຈະບໍ່ໄດ້ຮັບຄວາມເສຍຫາຍ
- ສາມາດເລືອກທີ່ຈະບໍ່ປ່ອຍໃຫ້ສິ່ງທີ່ຮ້າຍໆກົດດັນຄວາມຮູ້ສຶກ,
- ສາມາດເລືອກທີ່ຈະເກັບຄວາມຜິດພາດໃຫ້ເປັນບົດຮຽນແລະປະສົບການ ແຕ່ບໍ່ເກັບໄວ້ໃຫ້ທຸກໃຈ
- ສາມາດເລືອກທີ່ຈະມີຄວາມຫມັ້ນໃຈແທນການໄຮ້ຕົວຕົນ
- ສາມາດເລືອກທີ່ຈະກ້າແທນການຢ້ານໄປທຸກເລື່ອງ
- ສາມາດເລືອກທີ່ຈະມີຄວາມສຸກຫລາຍກວ່າທຸກ
- ສາມາດເລືອກທີ່ຈະຮູ້ສຶກຮັກແທນການກຽດຊັງຄຽດແຄ້ນ
- ສາມາດທີ່ຈະສູ້ຫລາຍກວ່າຍອມແພ້
- ສາມາດເລືອກທີ່ຈະໃສ່ໃຈດູແລຕົວເອງຫລາຍກວ່າປ່ອຍຕົວ
- ສາມາດທີ່ຈະຄິດແລະຄວບຄຸມຫລາຍກວ່າປ່ອຍໃຈ
- ສາມາດເລືອກ ຈົ່ງເປັນຄົນທີ່ທ່ານເລືອກທີ່ເປັນ ບໍ່ແມ່ນຄົນທີ່ຜູ້ຄົນຢາກຈະເຫັນ
ຢ່າເລືອກຄົນທີ່ບໍ່ໄດ້ຄິດເລືອກທ່ານ ຈົ່ງເລືອກຄົນທີ່ຊ່ວຍຍົກທ່ານ ໃຫ້ເປັນຄົນດີໃຫ້ຮູ້ສຶກດີໃຫ້ມີສຸຂະພາບດີ, ໃຫ້ມີຄວາມຄິດດີ, ໃຫ້ກຽດດີ ແລະ ເບິ່ງແຍງດີ.
ຈົ່ງເລືອກໃຊ້ຊີວິດດ້ວຍການ “ເລືອກ” ບໍ່ແມ່ນ ຖ້າໂອກາດ. ເລືອກທີ່ຈະປ່ຽນແປງບໍ່ແມ່ນຫາຂໍ້ອ້າງ. ເລືອກທີ່ຈະສ້າງແຮງຈູງໃຈບໍ່ແມ່ນຖ້າຕໍານິວ່າຄົນອື່ນບໍ່ດີ. ເລືອກທີ່ຈະເປັນປະໂຫຍດ ບໍ່ແມ່ນເປັນຈະເຮັດຕາມຄວາມນິດໃສເກົ່າໆ. ເລືອກທີ່ຈະນັບຖືໂຕເອງ ບໍ່ແມ່ນອີດູສົງສານຕົວເອງ. ເລືອກທີ່ຈະຟັງສຽງພາຍໃນຫົວໃຈຂອງຕົວເອງບໍ່ແມ່ນສຽງຈາກຄົນອ້ອມຂ້າງ.
ຄຳທີ່ຄົນມັກອ້າງເມື່ອຕ້ອງເຮັດຫລືເລືອກ. ຂໍ້ອ້າງທີ່ຄົນໄປບໍ່ຮອດຝັນມັກໃຊ້ເປັນຄຳແກ້ຕົວ. ຜູ້ຄົນມັກໃຫ້ເຫດຜົນໃຫ້ຕົວເອງວ່າ ຂ້ອຍບໍ່ສາມາດເລືອກໄດ້ເພາະຂ້ອຍບໍ່ໄດ້ມີການສຶກສາພໍ. ຂ້ອຍຈຳເປັນຕ້ອງເບິ່ງແຍງຄອບຄົວຂອງຂ້ອຍ.ຂ້ອຍບໍ່ມີເງິນຫລາຍພໍ. ຂ້ອຍບໍ່ມີໂອກາດ. ຂ້ອຍເປັນຄົນບໍ່ມີໂຊກ. ຂ້ອຍບໍ່ມີເວລາ. ຂ້ອຍບໍ່ພ້ອມ. ຂ້ອຍບໍ່ກ້າ ເພາະມັນເກີນຄວາມສາມາດ. ຂ້ອຍເຖົ້າເກີນໄປ. ເວລາຂອງຂ້ອຍຫມົດແລ້ວ. ສຸຂະພາບຂອງຂ້ອຍບໍ່ດີ. ຂ້ອຍເລືອກບໍ່ໄດ້. ຂ້ອຍບໍ່ເກັ່ງຄືຄົນອື່ນໄດ້ຊ່ຳນິ້ກໍພໍແລ້ວ.
ທ່ານອາດຈະເຫັນແລ້ວວ່າ: ຄົນເຮົາມີທາງເລືອກໃນທຸກຊ່ວງຂອງຊີວິດ. ຄົນສ່ວນໃຫ່ຍມັກກຈະຄິດວ່າເຮົາບໍ່ມີສິດທິໃນການເລືອກ. ເຮົາມີອຳນາດເຕັມທີ່ທີ່ຈະເລືອກສິ່ງດີໆໃຫ້ຊີວິດຂອງທ່ານ. ບາງຄົນເຄີຍເວົ້າໄວ້ວ່າເລື່ອງແບບນີ້ມັນຢູ່ທີ່ວິທີການຄິດ ແລະການລົງມືກະທຳ. ຖ້າຄິດບວກແລ້ວຈະຮູ້ຈັກເລືອກ ແລະ ລົງມືເຮັດ. ຄວາມສຳເລັດຍ່ອມຢູ່ບໍ່ໄກເກີນໄປ. ຂື້ນກັບວ່າທ່ານຈະເລືອກຄິດຫລືເຮັດແນວໃດ? ໃຜວ່າແຂ່ງບຸນແຂ່ງວາດສະຫນາບໍ່ໄດ້, ທ່ານເລືອກຊີວິດແລະ ເລືອກທີ່ຈະເຝິກຝົນໃຫ້ທ່ານມີໂອກາດດີໆໄດ້ສະເຫມີ.
Viengsombath Bangonesengdet Editor in chief
ຊ່ວຍສ້າງສັນສິງເປັນປະໂຫຍດແກ່ສັງຄົມ. ມີຄວາມສາມາດທີ່ມາຈາກປະສົບການ ແລະ ການສຶກສາ ຕິດພັນກັບຂົງເຂດ: ຍຸດທະສາດການບໍລິຫານ, ການຕະຫຼາດ, ການວາງແຜນທຸລະກິດ, ການຄ້າ ທາງອອນໄລ, ນະໂຍບາຍບຸກຂະລາກອນ, ປັບປຸງອົງການຈັດຕັ້ງ, ການສ້າງຍີ່ຫໍ້ສິນຄ້າ ແລະ ສອນ ເຕັກນິກການນຳພາ. ທ່ານສາມາດ ໃຊ້ບໍລິການພິເສດ ຫຼື ຕິດຕາມເຕັກນິກຜ່ານທາງເວັບໄຊນີ້.
