ທ່ານສາມາດສ້າງລາຍຮັບພິເສດ ຖ້າຫາກຮູ້ຈັກນຳໃຊ້ອິນເຕີເນັດ. ໃນຍຸກປະຈຸບັນ ໂດຍສະເພາະໃນປະ ເທດພັດທະ ນາແລ້ວ, ຈະນຳໃຊ້ E-Business ຫຼື ຄວາມລາວວ່າ: ທຸລະກິດຜ່ານທາງເອເລັກໂທຼນິກ.
E-Business ເວົ້າໂດຍຫຍໍ້ ແມ່ນໝາຍເຖິງການນຳໃຊ້ເຕັກໂນໂລຢີ່ຂໍ້ມູນຂ່າວສານເຂົ້າຮັບໃຊ້ທຸລະກິດ. ຫຼາຍທຸລະກິດ ໄດ້ຂາຍສິນຄ້າ ແລະ ການບໍລິການ ຜ່ານທາງເວັບໄຊ ຫຼາຍຂື້ນ. ທັງປະຫຍັດ ແລະ ເປັນການສະແດງສິນຄ້າໃຫ້ຄົນ ທົ່ວທຸກມູມໂລກເຫັນ ຊົວພິບຕາ. ນອກນັ້ນ, ຍັງຖືກນຳໃຊ້ເປັນເຄື່ອງມື ຄົ້ນຄ້ວາ ແລະ ພັດທະນາ, ການດຳເນີນງານ ສະໜອງບໍລິການ, ກະຕຸ້ນການຜະລິດ, ພັກດັນການຕະຫລາດ ແລະ ການຂາຍ, ແຈ້ງຂໍ້ມູນການຂົນສົ່ງ, ການບໍລິຫານຊັບພະຍາກອນມະນຸດ, ການເງິນ ແລະ ການຮ່ວມຕົວລະບົບມູນຄ່າຕ່າງໆໃນຂະແໜງທຸລະກິດ.
E-Business ສ້າງໃຫ້ມີຕິດຕໍ່ ພົວພົນລະຫວ່າງ ບັນດາອົງການຈັດຕັ້ງ ແລະ ລູກຄ້າຂອງອົງການ ຫຼາຍຂື້ນຢ່າງ ບໍ່ເຄີຍມີມາກ່ອນ. ສິ່ງທີ່ມີການ ໃຊ້ E-Business ຫຼາຍທີ່ສຸດແມ່ນໃນຂົງເຂດນີ້:
ເວົ້າຢ່າງລະອຽດ, ທຸລະກິດຜ່ານທາງເອເລັກໂທຼນິກ ສາມາດໃຫ້ຄຳນິຍາມດັ່ງຕໍ່ໄປນີ້:
1. ບັນດາການສື່ສານ: ການຂົນສົ່ງຜະລິດຕະພັນ, ການບໍລິການ, ຂ່າວສານ ຫຼື ການຈ່າຍຜ່ານທາງລະບົບຄອມພິວເຕີ້ ຫຼື ຜ່ານສື່ທາງເອເລັກໂທຼນິກທາງອື່ນໆ.
2. ການຄ້າ: ສະໜອງການຊື້ ແລະ ຂາຍຜະລິດຕະພັນ, ການບໍລິການ ແລະ ຂ່າວສານຜ່ານທາງອິນເຕີເນັດ ແລະ ການບໍລິການອອນລາຍອື່ນໆ.
3. ສ້າງຂະບວນການທຸລະກິດ: ການເຮັດທຸລະກິດຜ່ານທາງເອເລັກໂທຼນິກ ແມ່ນການນຳເອົາທຸກໆຂະບວນການຂອງທຸລະກິດເຂົ້າມາສູ່ລະບົບເຄື່ອຄ່າຍເອເລັກໂທຼນິກ,ດ້ວຍ ການສະໜອງຂໍ້ມູນ ເພື່ອນຳມາເຊິ່ງຂະບວນການເຮັດທຸລະກິດໃນພາກປະຕິບັດຕົວຈິງ.
4. ການບໍລິການ: ເປັນເຄື່ອງມືທີ່ບັນຈຸ ຄວາມຕ້ອງການຂອງພາກລັດຖະບານ, ບໍລິສັດ, ຜູ້ຊົມໃຊ້ ແລະ ການບໍລິຫານ ເພື່ອຫຼຸດຜ່ອນລາຄາ ແລະ ໃນຂະນະດຽວກັນກໍ່ເພີ່ມຄຸນນະພາບການບໍລິການລູກຄ້າ ແລະ ເພີ່ມຄວາມໄວໃນການສະໜອງການບໍລິການ.
5. ການຮຽນຮູ້: ເຮັດໃຫ້ສາມາດຈັດການເຝິກອົບຮົມ ແລະ ການສຶກສາແບບອອນລາຍ ໃນໂຮງຮຽນ, ມະຫາວິທະຍາໄລ ແລະ ບັນດາອົງການຈັດຕັ້ງອື່ນໆ, ລວມທັງ ບັນດາຫົວໜ່ວຍທຸລະກິດ.
6. ການປະສານງານ: ເຮັດໃຫ້ ໂຄງສ້າງວຽກງານ ມີການປະສານງານກັນລະຫວ່າງພາຍນອກ ແລະ ພາຍໃນອົງ ການຈັດຕັ້ງ.
7. ຊຸ່ມຊົນໝູ່ຄະນະ: ເກັບກຳ ລາຍລະອຽດຂອງ ສະມາຊິກໃນຊຸມຊົນໃດໜຶ່ງ ເພື່ອ ຈັດຕັ້ງການຮໍ່າຮຽນ, ຊື້ຂາຍ ແລະ ສ້າງການອ່ານ ຫຼື ພັກດັນວຽກງານຊຸມຊົນ.
ກິດຈະກຳທຸລະກິດຂອງທ່ານແມ່ນຫຍັງ, ຖ້າທ່ານມີສິນຄ້າ ຫຼື ການບໍລິການ ທ່ານສາມາດນຳໃຊ້ E-Business ເພື່ອສ້າງລາຍຮັບ ໃຫ້ຫຼາຍ ດັ່ງທີ່ທ່ານຕັ້ງໃຈໄວ້.
Viengsombath Bangonesengdet Editor in chief
ຊ່ວຍສ້າງສັນສິງເປັນປະໂຫຍດແກ່ສັງຄົມ. ມີຄວາມສາມາດທີ່ມາຈາກປະສົບການ ແລະ ການສຶກສາ ຕິດພັນກັບຂົງເຂດ: ຍຸດທະສາດການບໍລິຫານ, ການຕະຫຼາດ, ການວາງແຜນທຸລະກິດ, ການຄ້າ ທາງອອນໄລ, ນະໂຍບາຍບຸກຂະລາກອນ, ປັບປຸງອົງການຈັດຕັ້ງ, ການສ້າງຍີ່ຫໍ້ສິນຄ້າ ແລະ ສອນ ເຕັກນິກການນຳພາ. ທ່ານສາມາດ ໃຊ້ບໍລິການພິເສດ ຫຼື ຕິດຕາມເຕັກນິກຜ່ານທາງເວັບໄຊນີ້.
