ຄົນອື່ນມັກເວົ້າແນວບໍ່ດີໃສ່ກັນແລະກັນຢູ່ແລ້ວ. ທ່ານບໍ່ຄວນເປັນຄົນເວົ້າແນວບໍ່ດີໃສ່ຕົນເອງ. ຄຳເວົ້າບໍ່ດີ, ຢ່າເວົ້າໃຫ້ຕົນເອງເດັດຂາດ. ມັນເປັນການພາວະນາເອົາແນວບໍ່ດີມາໃນຊີວິດຕົນເອງ. ຄົນທີ່ປະສົບຄວາມສຳເລັດ ເຂົາບໍ່ເຄີຍເວົ້າກັບຕົວເອງໃນດ້ານລົບ. ໄດ້ຍົກເອົາສິ່ງສຳຄັນທີ່ສຸດ ທີ່ບໍ່ຄວນເວົ້າມີຄື:
- ຂ້ອຍບໍ່ມີທາງເລືອກ – ຂ້າພະເຈົ້າເຈີຄົນຫລາກຫລາຍ ທີ່ເວົ້າວ່າເບື່ອຕົວເອງ ແລະ ບອກວ່າຕົວເອງເລືອກບໍ່ໄດ້. ຄົນມັກອ້າງວ່າ “ຂ້ອຍຕ້ອງເຮັດວຽກນີ້, ຂ້ອຍຕ້ອງມີເຂົາ ເພາະຂ້ອຍບໍ່ມີຄົນອື່ນເທື່ອ…” ຂ້າພະເຈົ້າຮູ້ວ່າມັນເປັນສະ ຖານະການທີ່ເລືອກບໍ່ໄດ້, ເປັນຕົ້ນ ທ່ານຕ້ອງທົນ ທີ່ເລືອກບໍ່ໄດ້ເກີດມາຕຸ້ຍ, ແລະອື່ນໆ. ຈື່ໄວ້ທ່ານມີທາງເລືອກສະເຫມີ ແຕ່ທ່ານບໍ່ຍອມເລືອກຕ່າງຫາກ. ໃຜບາງຄົນວ່າເລືອກບໍ່ໄດ້ນັ້ນແປວ່າເຂົາເລືອກເຮັດສິ່ງນັ້ນ ແລະ ບໍ່ຍອມເລືອກສິ່ງອື່ນ. ຢ່າປ່ອຍເວລາໃຫ້ລ່ວງເລີຍໄປ. ທ່ານນັ້ນແລະຄືຄຳຕອບຈົ່ງເລືອກທີ່ຈະເຮັດສິ່ງທີ່ຕ່າງໄປຈາກທີ່ເຄີຍເປັນ
- ມັນບໍ່ເຫມາະກັບຂ້ອຍແລະມັນຄົງເປັນແບບນັ້ນ: ບໍ່ມີຄົນທີ່ປະສົບຄວາມສຳເລັດ ແລະ ມີຄວາມສຸກຄົນໃດຈະຍອມໃຫ້ຄົນອື່ນມາບົງການຊີວິດຕົນ. ຖ້າທ່ານຍອມໃຫ້ສຽງກະຊິບຈາກຄົນຮອບຂ້າງເປັນຕົວກຳນົດຊີວິດທ່ານ, ທ່ານຈະຕ້ອງເປັນເຍື່ອໄປໃນຕະຫລອດຊີວິດ. ຖ້າໃຜຈັກຄົນບອກວ່າທ່ານບໍ່ມີມື້ເຮັດໄດ້ ທ່ານຄວນຈະສວນກັບບອກວ່າຢ່າເອົາອາດີດຂອງທ່ານມາສວນກັບອານາຄົດຂອງຂ້ອຍ. ຄົນທີ່ເຮັດບໍ່ໄດ້ອາດເປັນທ່ານ, ການພະຍາຍາມເຮັດມັນໃຫ້ໄດ້ຫລືຄິດ ແລະ ເຊື່ອແບບນັ້ນ.
- ຂ້ອຍເຖົ້າເກີນໄປເວລາຂອງຂ້ອຍມັນຜ່ານໄປແລ້ວ: ທ່ານເວົ້າຄຳບໍ່ດີກັບຕົວເອງແບບນີ້ໄດ້ແນວໃດ? ບໍ່ມີໃຜເຖົ້າເກີນໄປຖ້າໃຈທ່ານຍັງສູ້. ຈື່ໄວ້ວ່າໂອກາດຜ່ານມາໃຫ້ເຮົາໄຂ່ວຄວ້າໄວ້ສະເຫມີ ຂໍແຕ່ທ່ານມີໃຈສູ້. ເຮົາທຸກຄົນສາມາດເລີ່ມຕົ້ນໃຫ່ມໃນມື້ນີ້ໄດ້ສະເຫມີ.
- ຂ້ອຍບໍ່ມີທາງເຮັດໄດ້ຂ້ອຍບໍ່ເກັ່ງ: ຫລາຍຄົນສ້າງກຳແພງທີ່ຫນາແລະສູງ. ລະຫວ່າງທ່ານ ແລະ ຄວາມສຳເລັດໂດຍຄຳເວົ້າງ່າຍໆ. ຂ້ອຍຄືຈະມີແຟນບໍ່ໄດ້ ຫລື ຄົນຢ່າງຂ້ອຍເກີດມາເພື່ອໄຮ້ຄູ່. ຖ້າແບບນັ້ນທ່ານກໍຄົງຕ້ອງໄຮ້ຄູ່ ແລະຂຶ້ນຄານແທ້ໆຕາມທີ່ທ່ານບອກຕົວເອງ. ຫຼື…ທ່ານອາດວ່າ: ຂ້ອຍບໍ່ແມ່ນຄົນເກັ່ງຄືອ້າຍຂອງຂ້ອຍ. ນັ້ນເດທ່ານຈະກາຍເປັນຄົນບໍ່ເກັ່ງແທ້ໆ. ຈິດໃຕ້ສຳນຶກຄວບຄຸມສິ່ງຕ່າງໆໃນຊີວິດເຖິງ 90ເປີເຊັນຂອງສິ່ງທີ່ເກີດຂຶ້ນ ແລະ ການເວົ້າ ແລະ ຄິດແມ່ນຫຍັງຊ້ຳໆ ທຸກເທື່ອທີ່ທ່ານເວົ້າຫລືຄິດຈິດໃຕ້ສຳນຶກຟັງທຸກມື້ ນັ້ນແປວ່າທ່ານບອກກັບຕົວເອງຈົນຕົວທ່ານກໍຈະເຊື່ອແບບນັ້ນ. ປຽບຄືທ່ານສາບແຊ່ງຕົວເອງທຸກມື້ ນັ້ນເພາະຈິດໃຕ້ສຳນຶກມີພະລັງຫລວງຫລາຍ. ດັ່ງນັ້ນແທນທີ່ຈະບອກວ່າ ເຮັດບໍ່ໄດ້ ລອງປ່ຽນຄຳເວົ້າໃໝ່ວ່າ ຂ້ອຍຈະຕ້ອງເຮັດມັນໃຫ້ໄດ້ ແລ້ວທ່ານຈະເຮັດໄດ້ ເຊື່ອໂລດ.
- ຂ້ອຍບໍ່ແມ່ນຄົນແບບນັ້ນ: ຄົນສ່ວນໃຫ່ຍມັກຕັ້ງຂໍ້ຈຳກັດໃຫ້ຕົວເອງຫລາກຫລາຍ ເຊັ່ນ: ຂ້ອຍບໍ່ແມ່ນຄົນທີ່ເຂົາຕ້ອງການ ຂ້ອຍບໍ່ແມ່ນຄົນທີ່ເປັນຫົວຫນ້າໃຜໄດ້. ຂ້ອຍບໍ່ແມ່ນຄົນທີ່ຈະເຮັດວຽກດ່ວນໆໄດ້ສຳເລັດ ແລະ ອື່ນໆ ຢ່າເຮັດໃຫ້ຊີວິດຍາກຂຶ້ນໄປອີກໂດຍການຕັ້ງຂໍ້ຈຳກັດໃຫ້ຕົວເອງ. ຄົນທີ່ຢູ່ລອດໃນໂລກໃບນີ້ໄດ້ຄືຄົນທີ່ປັບຕົວເກັ່ງ ບໍ່ແມ່ນຄົນສະຫລາດທີ່ສຸດ. ຖ້າທ່ານບໍ່ປັບຕົວໃນທຸກສະຖານະການທ່ານຈະຕົກທີ່ນັ່ງລຳບາກ.
- ຂ້ອຍບໍ່ເຄີຍມີໂຊກ: ຄົນທີ່ປະສົບຄວາມສຳເລັດເຫລົ່ານັ້ນ ຮູ້ວ່າຕ້ອງພາຕົວເອງໄປຢູ່ຈຸດນັ້ນຕອນໃດ ພວກເຂົາຮູ້ວ່າຕົວເອງມີຂໍ້ດີ ແລະ ຂໍ້ເສຍ. ແບບນີ້ຕ່າງຫາກ ແລະ ພວກເຂົາກໍອອກເດີນທາງປ່າວປະກາດຜູ້ຄົນວ່າພວກເຂົາມີດີແນວໃດ ແລະ ຂໍ້ເສຍພວກເຂົາກໍພຽງແຕ່ແກ້ໄຂມັນ. ຮຽນຮູ້ເລື່ອງໃຫ່ມໆທີ່ເຮັດໃຫ້ເຂົາແຂງແກ່ນ ແລະ ດີຂຶ້ນ. ຖ້າພວກເຂົາເຮັດໄດ້ ທ່ານກໍເຮັດໄດ້. ຢ່າມົວແຕ່ນັ່ງລໍຖ້າແລ້ວຫາຂໍ້ອ້າງສາລະພັດ. ດັ່ງນັ້ນທ່ານເອງຄວນລ້າງພິດຄວາມຄິດ ແລະ ຄຳເວົ້າລົບໆ ເຫລົ່ານີ້ໃຫ້ໄດ້ເຊັ່ນກັນ. ຕອນນີ້ທ່ານຮູ້ວິທິການຄວບຄຸມຊີວິດຕົວເອງໃຫ້ເປັນໄປຕາມທີ່ທ່ານຄາດຫວັງ ແລະ ຕ້ອງການແລ້ວ. ຮູ້ແລ້ວວ່າຕົວທ່ານມີພະລັງ ແລະ ຄວາມສາມາດທີ່ຈະເປັນຫຍັງກໍໄດ້. ຖ້າທ່ານຕັດສິນໃຈທີ່ຈະຄວບຄຸມຊີວິດຂອງທ່ານ ແລະ ເດີນຫມາກຊີວິດທ່ານ ດ້ວຍຕົວທ່ານເອງ. ທ່ານຈະພົບຄວາມປ່ຽນແປງທີ່ຄາດບໍ່ເຖິງທີ່ຈະເກີດຂຶ້ນໃນຊີວິດຂອງທ່ານ.
ຄວາມລຳບາກໃນຊີວິດບໍ່ໄດ້ເກີດຂຶ້ນເພື່ອທຳລາຍທ່ານ ແຕ່ຊ່ວຍໃຫ້ທ່ານຄຳນຶງຮູ້ເຖິງຄວາມສາມາດທີ່ເຊື່ອງຢູ່ ແລະ ຈື່ໄວ້ສະເຫມີ ສິ່ງໃດກໍຕາມທີ່ບໍ່ໄດ້ທຳລາຍທ່ານ ຈະເຮັດໃຫ້ທ່ານແຂງແຮງແລະເກັ່ງຂຶ້ນ. ທ່ານບໍ່ມີວັນຮູ້ວ່າຊີວິດເບົາຂຶ້ນເທົ່າໃດ ຈົນກະທັ້ງທ່ານຈັດລະບຽບ ແລະ ລຳດັບຜູ້ຄົນໃນຊີວິດຂອງທ່ານເສຍໃຫ່ມ.
ເປັນໄປບໍ່ໄດ້ເລີຍຖ້າທ່ານຈະບິນໃຫ້ສູງຂຶ້ນ ແລະ ໄກກວ່າ ຖ້າທ່ານບໍ່ປົດສິ່ງຕ່າງໆ ໃນຊີວິດທີ່ຖ່ວງທ່ານດຶງທ່ານໃຫ້ໜັກຂຶ້ນ. ບິນຕ່ຳລົງ ບິນຊ້າລົງ ຫລື ບໍ່ສາມາດບິນໄດ້ເລີຍ. ລອງຖາມໃຈຕົວເອງເບິ່ງວ່າດົນເທົ່າໃດແລ້ວ ທີ່ເຮົາເສຍເວລາກັບໃຜຄົນນັ້ນ ຫລື ວຽກນັ້ນ ຫລື ແມ້ແຕ່ຄວາມຄິດດ້ານລົບໆຂອງຕົວທ່ານເອງ. ຖ້າມີຄ່ອຍໆປົດອອກ. ປ່ອຍໄປ.ທ່ານຈະບິນໄດ້ໄວຂຶ້ນ. ດີຂຶ້ນ ແລະ ເປັນອິດສະຫລະຫລາຍຂຶ້ນ. ເຊົາເສຍເວລາກັບຄົນ ຫລື ເລື່ອງທີ່ບໍ່ເຮັດໃຫ້ທ່ານຍິ້ມໄດ້ໃນວັນນີ້.
Viengsombath Bangonesengdet Editor in chief
ຊ່ວຍສ້າງສັນສິງເປັນປະໂຫຍດແກ່ສັງຄົມ. ມີຄວາມສາມາດທີ່ມາຈາກປະສົບການ ແລະ ການສຶກສາ ຕິດພັນກັບຂົງເຂດ: ຍຸດທະສາດການບໍລິຫານ, ການຕະຫຼາດ, ການວາງແຜນທຸລະກິດ, ການຄ້າ ທາງອອນໄລ, ນະໂຍບາຍບຸກຂະລາກອນ, ປັບປຸງອົງການຈັດຕັ້ງ, ການສ້າງຍີ່ຫໍ້ສິນຄ້າ ແລະ ສອນ ເຕັກນິກການນຳພາ. ທ່ານສາມາດ ໃຊ້ບໍລິການພິເສດ ຫຼື ຕິດຕາມເຕັກນິກຜ່ານທາງເວັບໄຊນີ້.
