ຫາກເຝິກເບິ່ງບັນຫາເພື່ອເປັນການສ້າງບາລະມີໃຫ້ແກ່ຕົວເອງຢູ່ຕະຫລອດ ຈາກສິ່ງທີ່ເຄີຍຄິດວ່າເປັນຄວາມຊົ່ວຮ້າຍ. ໃຫ້ເປີດໃຈຍ່ອມໃຫ້ເຮົາໄດ້ຮຽນຮູ້ທີ່ຈະແຂງແກ່ນຂຶ້ນ. ພ້ອມກັນກັບຊ່ວຍກະຕຸ້ນໃຫ້ເຮົາໄດ້ມີໂອກາດຄົ້ນຫາສິ່ງທີ່ຍິ່ງໃຫ່ຍສະເຫມີ.
ຊີວິດຂອງຄົນເຮົາທີ່ເກີດຂຶ້ນມາບົນໂລກນີ້ ລ້ວນແຕ່ມີຄວາມແຕກຕ່າງ. ຖືວ່າເປັນສະເນ່ຢ່າງໜຶ່ງຂອງຊີວິດ. ແຕ່ຖ້າຫາກຮູ້ຈັກກັບຊີວິດແລ້ວເຮົາກໍມັກສະຫລຸບລວມຍອດວ່າຊີວິດມີພຽງສອງສິ່ງທີ່ວຽນເຂົ້າມາໃຫ້ເຮົາສຶກສານັ້ນກໍ່ຄື: “ຊີວິດມີບັນຫາ ຖືກນິຍາມວ່າເປັນຄວາມທຸກ ແລະ ຊີວິດທີ່ບໍ່ມີບັນຫາເຊິ່ງ ຖືກນິຍາມວ່າເປັນຄວາມສຸກ”
ຊີວິດຖືກຈະມິທັງເຫດພາໃຫ້ຄົນຄິດທຸກ ແລະ ສຸກສະເໜີ. ເມື່ອໃດບໍ່ເປັນດັງໃຈ, ຄົນກະທຸກ. ເມື່ອໃດເປັນດັງໃຈ ຄົນກະສຸກ. ຈະເກີດຫຍັງຂື້ນ, ຄົນຄຸມບໍ່ໄດ້ໃນບາງສະຖານະການ. ເປັນຕົ້ນການຕາຍຈາກກັນຂອງຄົນຮັກ. ພວກ ເຮົາມັກຮ້ອງຂໍຄວາມສຸກໃຫ້ຢູ່ກັບເຮົາໃຫ້ດົນທີ່ສຸດ. ຕົວຈິງ, ຄວາມສຸກທີ່ເຮົາໂຫຍຫາກໍຈະບິນຈາກລາໄປຕາມ ການເວລາ. ບາງເທື່ອກໍໄດ້ຊື່ນຊົມທີ່ສິ່ງທີ່ຕ້ອງການ ສິ່ງນັ້ນກໍປ່ຽນແປງໄປເປັນຄວາມທຸກໃນເວລາຕໍ່ມາເຊັ່ນເດີມ. ເຊັ່ນ: ພົບຄົນຮັກ ແລະ ກະມີການຈາກ. ອາດເປັນເພາະແຍກທາງ ຫຼື ສີ້ນໃຈ.
ເມື່ອໃດຈິດໃຈເຮົາປ່ອຍໃຫ້ເຫດການມາກຳນົດຈິດໃຈ ໃຫ້ເປັນສຸກ ແລະ ທຸກ, ໝາຍວ່າເຮົາປ່ອຍປະ ໃຫ້ຈິດໃຈມີ ເນື້ອທີ່ຮັບເອົາພະລັງງານພາຍນອກມາຄຸ້ມຄອງແນວຄິດ. ມັນອາດມີພະລັງຫຼາຍ. ຈົນເຮັດໃຫ້ເຮົາຕ້ອງຈົມຢູ່ກັບບັນຫາເພາະບໍ່ຮູ້ວ່າຈະແກ້ໄຂໃຫ້ມັນຫລຸດອອກໄປໄດ້ຢ່າງໃດ. ເຊື່ອບໍ່ວ່າ: ທຸກບັນຫາລ້ວນສ້າງປັນຍາໃຫ້ເກີດຂຶ້ນໄດ້ສະເຫມີ. ຂ້າພະເຈົ້າຂໍສະເໜີແນວຄິດການເບິ່ງບັນຫາມາຍັງທ່ານ. ໂດຍໃຫ້ຖືວ່າ: ບັນຫາທີ່ເກີດຂື້ນເຮັດເຮົາໄດ້ມີໂອກາດສ້າງບາລະມີ.
ຫາກສັງເກດວິຖີຊີວິດຂອງຄົນເຮົາ, ບໍ່ມີໃຜທີ່ຈະກ້າວໄປສູ່ຄວາມສຸກ ແລະ ຄວາມສຳເລັດໄດ້ ບົນເສັ້ນທາງທີ່ໂຮຍດ້ວຍກີບດອກໄມ້. ທຸກບາດກ້າວຂອງຊີວິດເຖິງຈະມີຄວາມສຳເລັດມາກອງຢູ່ທາງຫນ້າຫລາຍພຽງໃດ, ກໍມັກມີຄວາມຫຍຸ້ງຍາກຊ້ອນຢູ່ສະເຫມີ. ໃນການກ່ຽວຂ້ອງກັບສິ່ງທີ່ຕ້ອງພົບກັບສິ່ງຕ່າງໆ, ບໍ່ວ່າເຮົາຈະມີບັນຫາຫຼືບໍ່ ມີຫລາຍຫລືຫນ້ອຍ, ຫລືເປັນໃຜມາຈາກໃສ, ແຕ່ຢູ່ທີ່ວ່າ ເຮົາເປັນຜູ້ໃຊ້ສິ່ງທີ່ໄດ້ຄອບຄອງຢ່າງໃດຕ່າງຫາກ.
ບາງຄົນທີ່ເຮົາເບິ່ງວ່າເຂົາພຽບພ້ອມດ້ວຍຊັບພາຍນອກ, ແຕ່ເຮົາບໍ່ອາດຈະຮູ້ວ່າພາຍໃນຂອງເຂົານັ້ນມີຄວາມກັງວົນ ຫຍັງຊ້ອນຢູ່. ຢ່າງຫນ້ອຍກໍ່ຕ້ອງຫ່ວງພະວົງວ່າຈະໃຫ້ສິ່ງທີ່ມີຢູ່ນັ້ນດຳເນີນໄປໃນທິດທາງໃດ. ສ່ວນຄົນທີ່ບໍ່ມີວັດຖຸເງິນທອງ ກໍ່ເບິ່ງດ້ວຍຄວາມຍາກທີ່ຈະໄດ້ຄອບຄອງຈົນເຮັດໃຫ້ລືມທີ່ຈະເຫັນຄຸນຄ່າສິ່ງທີ່ຕົນມີ. ເຮັດໃຫ້ຕົນເອງບົກພ່ອງທັງດ້ານວັດຖຸພາຍນອກແລະແຫ້ງແລ້ງຊັບພາຍໃນທີ່ເກີດຂຶ້ນໃນໃຈ. ດ້ວຍເຫດນີ້ຈຶ່ງກ່າວໄດ້ວ່າຊີວິດຂອງເຮົານັ້ນ, ບໍ່ວ່າຈະສົມຫວັງຫລືບໍ່ມີຫວັງ ໃນສິ່ງທີ່ຕົນຕ້ອງການ ເຮົາກໍ່ມັກຈະໃຫ້ປັນຫາແຊງຂຶ້ນມານຳຫນ້າສະເຫມີ ເພາະເຮົາຈະຮູ້ວ່າຈະຈັດການກັບມັນແບບໃດ, ແຕ່ຫາກຮູ້ຈັກວາງໃຈໃນການກ່ຽວຂ້ອງກັບທຸກສິ່ງທີ່ເກີດຂຶ້ນມາ, ມັນຈະ ເຮັດໃຫ້ເຮົາໄປຢູ່ໃນອາຣົມການວາງເສີຍ.
ບັນຫາສ້າງປັນຍາ, ປັນຍາສ້າງບາຣະມີ. ປັນຍາໃຫ້ຖືກັບວ່າບັນຫາເຮັດໃຫ້ເຮົາໄດ້ສ້າງບາລະມີ ຄວາມສຸກ ແລະຄວາມມ່ວນຊື່ນທີ່ຖ້າຢູ່ ຍ່ອມມີລົດຊາດໃຫ້ຄົນຄົ້ນຫາສະເຫມີ. ຫາກພິຈາລະນາດ້ວຍປັນຍາທີ່ລະອຽດລົງໄປ ຈະເຫັນໄດ້ວ່າມັກຈະມີປັນຫາທີ່ຫລາຍຄົນເບິ່ງວ່າເປັນເລື່ອງ ຫນ້າອຸກໃຈ ແຕ່ທ່ານກັບເຫັນເປັນ ຄວາມທ້າທາຍແທນ.
ພະພຸດພະເຈົ້າ ເບິ່ງຊີວິດເປັນຄວາມສຸກຢູ່ບໍ່ວ່າ: ມີຄວາມທຸກເຊື່ອງຊ້ອນຢູ່ໃນຊີວິດຄົນ, ຈົນເຮັດໃຫ້ພະອົງກ້າທີ່ຈະສະຫຼະຄວາມເປັນຊາວໂລກ ໄປຄົ້ນຫາວິທີທີ່ຫລຸດຈາກຄວາມທຸກ ແຕ່ບໍ່ຮູ້ວ່ານັ້ນຄືຄວາມທຸກເພື່ອຄົ້ນຫາວິທີທີ່ ຢູ່ໄດ້ກັບທຸກໆຢ່າງໂດຍບໍ່ມີບັນຫາ ແລະ ມັນໄດ້ນໍາພາພະອົງໄປສູ່ການດັບທຸກໄດ້. ເພາະພະອົງຊົງອາໄສບັນຫາເພື່ອຊ່ວຍນຳພາໃຫ້ບາລະມີໄດ້ເຕີບໂຕ.
ນັກປາດ ຊື່ “ກາລິເລໂອ” ຄົ້ນພົບວ່າ: ໂລກທີ່ມະນຸດອາໄສຢູ່ນີ້ມີລັກສະນະກົມ. ເຊິ່ງເປັນການເບິ່ງໂລກແບບຄົນທີ່ສ້າງປັນຫາສຳລັບຄົນຍຸກນັ້ນ. ທ່ານ ກາລີເລໂອ້ ໄດ້ມີການຊີ້ແຈງແນວຄິດ ແລະ ກໍ່ສາມາດສ້າງໃຫ້ຊາວໂລກໄດ້ຮັບຮູ້ວ່າແທ້ຈິງນັ້ນ ໂລກທີ່ເຮົາຢູ່ອາໄສມີລັກສະນະ “ກົມ”, ບໍ່ແມ່ນໂລກແບບຢ່າງທີ່ຫລາຍຄົນເຂົ້າໃຈ ຄື “ແຜນພຽງ”. ຈຶ່ງເຮັດໃຫ້ຄົນລຸ້ນຫລັງໄດ້ຮຽນຮູ້ຄວາມຈິງທີ່ຖືກຕ້ອງຢ່າງທີ່ຈະປັນ. ຊື່ສຽງຂອງລາວຖືກຈາລຶກຕະຫຼອດການ.
Viengsombath Bangonesengdet Editor in chief
ຊ່ວຍສ້າງສັນສິງເປັນປະໂຫຍດແກ່ສັງຄົມ. ມີຄວາມສາມາດທີ່ມາຈາກປະສົບການ ແລະ ການສຶກສາ ຕິດພັນກັບຂົງເຂດ: ຍຸດທະສາດການບໍລິຫານ, ການຕະຫຼາດ, ການວາງແຜນທຸລະກິດ, ການຄ້າ ທາງອອນໄລ, ນະໂຍບາຍບຸກຂະລາກອນ, ປັບປຸງອົງການຈັດຕັ້ງ, ການສ້າງຍີ່ຫໍ້ສິນຄ້າ ແລະ ສອນ ເຕັກນິກການນຳພາ. ທ່ານສາມາດ ໃຊ້ບໍລິການພິເສດ ຫຼື ຕິດຕາມເຕັກນິກຜ່ານທາງເວັບໄຊນີ້.
