ສາຍພົວພັນໃໝ່ມັກເກີດຂື້ນຢ່າງທີ່ທ່ານບໍ່ສາມາດຕັ້ງຕົວ. ອັນເອີ້ນວ່າຕາບອດ. ທັງຄູ່ຈະບໍ່ທັນເຫັນຈຸດດ້ອຍຂອງຄົນອື່ນ ໂດຍທີ່ສະແດງອອກແຕ່ຈຸດດີໃຫ້ແກ່ຄູ່ຮັກໄດ້ເຫັນ. [signinlocker id=”3227″]ການຮັບຮູ້ຈຸດດີຂອງຄູ່ຮັກ ເປັນການເປີດສາກສາຍພົວພັນທີ່ດີ ແຕ່ມັນຍັງບໍ່ທັນແມ່ນຕົວຕົນທີ່ແທ້ຈິງຂອງຄົນທີ່ທ່ານພົບ. ສະຫຼຸບກໍ່ຄື ຍັງບໍ່ທັນໄດ້ຮູ້ທາດແທ້ຂອງເຂົາເຈົ້າເທື່ອ. ທ່ານຈະມີຄວາມຫຼົງໃນຕົວຂອງເຂົາເຈົ້າ ໂດຍບໍ່ມີເຫດຜົນ. ເຊິ່ງບໍ່ວ່າຈະເຮັດຫຍັງເຂົາກໍ່ເບິ່ງເປັນຕາໜ້າຮັກ ແລະ ເປັນຕາແພງໄປໝົດ. ສາຍສຳພັນໃນຕອນນີ້ມີລັກສະນະ ວ່ອງໄວ, ໜັກແໜ້ນ, ມີຄວາມຕ້ອງການຈັບຕ້ອງຮ່າງກາຍ ແລະ ມີຄວາມຫືງຫວງສູງ, ໂດຍທີ່ຈະບໍ່ເບິ່ງຄົນອື່ນໆຂ້າງເລີຍ. ໝາຍວ່າເຂົາຄືທີ່ສຸດຂອງມະນຸດທີ່ທ່ານເຄີຍພົບມາ. ຄວາມດືງດູດຢ່າງຮູນແຮງດັ່ງກ່າວລະຫວ່າງບາວສາວເປັນສິ່ງລວງຕາ ແລະ ເຊິ່ງຕ່າງຄົນຕ່າງມະໂນພາບແນວດີໆຂອງກັນແລະກັນ. ເຊິ່ງຫຼາຍໆຄົນມັກເອີ້ນສະຖານະການຕອນນີ້ວ່າ: ຕົກຫຼຸມຮັກ. ລະດັບການຕົກຮັກຢ່າງຮຸນແຮງບໍ່ໄດ້ເປັນແນວດີ ແຖມຍັງປິດໂອກາດການພັດທະນາສາຍພົວພັນທີ່ໜັກແໜ້ນ, ຄວາມໄວ້ໃຈ, ຄວາມນັບຖື ແລະ ການຮັກຕົນເອງ. ທັງສອງຕ່າງສັບສົນກັບພາບລວງຕາທີ່ປະກົດຂື້ນພາຍນອກ. ຫຼາຍຄູ່ຕົກໃນກໍລະນີລະເມີເພີ້ຟັນສິ່ງທີ່ຄົນຮັກຕົນເອງເປັນ. ເຮັດໃຫ້ຊີວິດທີ່ໜ້າເບື່ອກັບມາມ່ວນຊື່ນອີກຄັ້ງ.
ປະສົບການຂອງສາວນ້ອຍຄົນໜຶ້່ງໄດ້ເວົ້າວ່າ: ຄົນຮັກໃໝ່ເຮັດໃຫ້ລາວມີພຶດຕິກຳປ່ຽນໄປ. ກາຍເປັນຄົນທີ່ເອົາໃຈໃສ່ແຕ່ງຕົວໃຫ້ດູດີຂື້ນກວ່າທີ່ເປັນ, ທຽບໃສ່ຄົນເກົ່າແມ່ນບໍ່ໄດ້ເຮັດຫຍັງພິເສດເພື່ອໃຫ້ເຂົາທ່ານມາມັກຫຼາຍຂື້ນ. ນີ້ອາດເປັນສາເຫດໜຶ່ງເຮັດໃຫ້ບໍ່ສາມາດເຂົ້າໃຈຄວາມຮູ້ສຶກຂອງຄົນອີກຝ່າຍໜຶ່ງ ຈົນເປັນການສ້າງຄວາມຫ່າງເຫີນ.
ທ່ານຄິດວ່າສາມາດປ່ຽນຄົນໄດ້
ຫຼາຍຄົນອາດຄິດວ່າ ສາມາດປ່ຽນຄົນທີ່ຮັກທ່ານໄດ້ ແລະ ສ້າງໃຫ້ເຂົາກາຍເປັນຄົນທີ່ທ່ານຕ້ອງການຈະຮັກ ຫຼື ຄິດວ່າຄວາມຮັກຈະປ່ຽນແປງເຂົາເຈົ້າ. ໜ້າເສົ້າຫຼາຍ, ສິ່ງນີ້ມີໂອກາດເປັນໄປໄດ້ຍາກຫຼາຍ. ສິ່ງທີ່ສາມາດເກີດຂື້ນໄດ້ກໍ່ຕໍ່ເມື່ອຄົນຮັກເກີດຄວາມຕ້ອງການປ່ຽນແປງຕົນເອງ. ຄົນທີ່ມັກນອກໃຈກໍ່ຈະນອກໃຈ, ຄົນຕິດເກມເຂົາຈະຫຼີ້ນເກມ, ຄົນມັກໄປກັບໝູ່ເຂົາກໍ່ຈະໄປກັຍໜູ່. ພຶດຕິກຳດັ່ງກ່າວຈະປ່ຽນກໍ່ຕໍ່ເມື່ອພວກເຂົາເຈົາຕ້ອງການປ່ຽນແປງຕົນເອງ. ຄົນຮັກມີ ສ່າວສຳຄັນຫຼາຍໃນການພັກດັນ, ສະໜັບສະໜູນ ແລະ ຢູ່ຄ່ຽງຂ້າງເຂົາເຈົ້າຕ້ອງການປ່ຽນແປງໄປໃນທາງທີ່ດີຂື້ນ, ໃຫ້ຄຳແນະນຳ, ແລະ ພາວະນາຊ່ວຍເຂົາເຈົ້າ. ຫາກທ່ານຄິດວ່າມີແຕ່ຄວາມຮັກທີ່ທ່ານມອບໃຫ້ແລ້ວ ເຂົາເຈະຍອມປ່ຽນແປງ, ສິ່ງນີ້ອາດຜິດພາດ. ເມື່ອໃດທ່ານເຂົ້າໃຈພຶດຕິກຳຂອງຄົນຮັກ, ທ່ານຕ້ອງຍອມຮັບພຶດຕິກຳບໍ່ດີດັ່ງກ່າວ ແລະ ບໍ່ລົດລະທີ່ຈະຢູ່ຄ່ຽງຂ້າງເພື່ອປ່ຽນແປງສິ່ງທີ່ອາດຈະບໍ່ເກີດຂື້ນ.
ປະສົບການຂອງເດັກຍິງທີ່ບໍ່ແມ່ບໍ່ໃສ່ໃຈ
ຕົວຢ່າງປະສົບການຂອງໄວເດັກສາວນ້ອຍຄົນໜຶ່ງ ທີ່ພົບປັນຫາຕ້ອງການຄວາມຮັກຫຼາຍ. ເນື່ອງຈາກໄວເດັກພໍ່ແມ່ບໍ່ໄດ້ໃຫ້ຄວາມອົບອຸ່ນຫຼາຍ. ເວລາໃຫຍ່ມາ ຈິ່ງເຮັດໃຫ້ລາວຕ້ອງການໃຜຈັກຄົນໜຶ່ງມາໃສ່ໃຈ ໂດຍໃນຊ່ວງໄວເດັກ ລາວຈະມີຈິນຕະນາການກ່ຽວກັບຄົນໃກ້ຊິດຈັກຄົນໜຶ່ງ ຜູ້ທີ່ມາຊ່ວຍເຫຼືອ ແລະ ໃຫ້ຄວາມອາທອນ,ໃຫ້ຄວາມຮັກ ແລະ ເຮັດໃຫ້ລາວຮູ້ສຶກມີສາຍພົວພັນກັບໃຜຄົນໃດໜຶ່ງ ແລະ ໃນທີ່ສຸດ ກໍ່ມັກຈະເປັນຄົນທີ່ມັກຊອກຫາໃຜຈັກຄົນໜຶ່ງເຮັດໃຫ້ຄົນເຂົ້າມາກາຍເປັນບຸກຄົນພິເສດ ທີ່ເຮັດໃຫ້ເຂົາເຈົ້າມີຄວາມສຸກ ໂດຍລືມໄປວ່າຕົນເອງກໍ່ເປັນສ່ວນໜຶ່ງຂອງການສ້າງຄວາມສຸກ.[/signinlocker]
Viengsombath Bangonesengdet Editor in chief
ຊ່ວຍສ້າງສັນສິງເປັນປະໂຫຍດແກ່ສັງຄົມ. ມີຄວາມສາມາດທີ່ມາຈາກປະສົບການ ແລະ ການສຶກສາ ຕິດພັນກັບຂົງເຂດ: ຍຸດທະສາດການບໍລິຫານ, ການຕະຫຼາດ, ການວາງແຜນທຸລະກິດ, ການຄ້າ ທາງອອນໄລ, ນະໂຍບາຍບຸກຂະລາກອນ, ປັບປຸງອົງການຈັດຕັ້ງ, ການສ້າງຍີ່ຫໍ້ສິນຄ້າ ແລະ ສອນ ເຕັກນິກການນຳພາ. ທ່ານສາມາດ ໃຊ້ບໍລິການພິເສດ ຫຼື ຕິດຕາມເຕັກນິກຜ່ານທາງເວັບໄຊນີ້.
