ແທນທີ່ຈະຍາງໄປຊື້ເຄື່ອງໃຊ້ ໃນຂະນະທີ່ທ່ານອາດຄາວຽກງານອື່ນໆ. ເປັນຕົ້ນເບິ່ງແຍງລູກ, ກຳລັງເຮັດວຽກດ່ວນ, ກຳລັງເດີນທາງ. ການພົບເຫັນສິນຄ້າທາງມືຖື ແລະ ຄອມພີວເຕີ້ ໃນປະຈຸບັນ, ທ່ານສາມາດສອບຖາມ ແລະ ສັ່ງຊື້ໄດ້. ປະຫຍັດເວລາ ແລະ ການເດີນທາງ.
ນອກນັ້ນຍັງມີເຫດຜົນອື່ນໆອີກ.ຜູ້ຊື້ສາມາດເລື່ອກ ແລະ ປຽບທຽບລາຄາສິນຄ້າໄດ້ງ່າຍຂື້ນ. ການຊື້ຂາຍທາງອອນໄລ ເຮັດໃຫ້ຜູ້ຊົມໃຊ້ມີຫຼາຍຫົນທາງ ໃນການຄັດສັນ. ເຈົ້າສາມາດ ຊື້ໄດ້ໃນຫຼາຍໆບ່ອນ ແລະ ສາມາດປຽບທຽບລາຄາໄດ້ດ້ວຍຕົນເອງ ຜ່ານທາງເວັບໄຊ໊ ຫຼື ສື່ໂຄສະນາຂອງບໍລິສັດນັ້ນໆ,
- ເຮັດໃຫ້ສາມາດ ສົ່ງຜະລິດຕະພັນ ແລະ ການບໍລິການໄດ້ໄວຂື້ນ, ໂດຍສະເພາະ ຜະລິດຕະພັນໃນຮູບແບບ ດິຈິຕ໋ (digitized products) ເປັນຕົ້ນ ຄ່າເຂົ້າເປັນສະມາຊິກທາງອອນໄລ, ປື້ມ (eBook), ຊອບແວ່,
- ລູກຄ້າສາມາດໄດ້ຮັບຂໍ້ມູນທີ່ກ່ຽວຂ້ອງກັບຜະລິດຕະພັນໄດ້ຢ່າງລະອຽດ ພາຍໃນໄລ ຍະເວລາອັນສັ້ນ, ແທນທີ່ຈະເປັນມື້ ຫຼື ເປັນອາທິດ. ເພາະເຂົາເຈົ້າສາມາດສົ່ງຂໍ້ຄວາມຫາຜູ້ຂາຍໄດ້ໂດຍກົງ,
- ເຮັດໃຫ້ລູກຄ້າສາມາດພົວພັນກັບລູກຄ້າຄົນອື່ນ ໃນກຸ່ມຄົນຜ່ານທາງເອເລັກໂທຼນິກ ເພື່ອແລກປ່ຽນແນວຄວາມຄິດ ແລະ ປະຊົບປະການການໃຊ້ເຄື່ອງ ແລະ ການບໍລິການຕ່າງໆ,
- ກໍ່ໃຫ້ເກີດມີ ການແຂ່ງຂັນຍາດລູກຄ້າ ຫຼາຍຂື້ນ ເຊິ່ງເປັນຜົນໃຫ້ມີການຫຼຸດ ລາຄາຕາມມາ. ນີ້ເປັນຜົນດີແກ່ລູກຄ້າ.
ໃນຂະນະດຽວກັນ, ກໍ່ມີເລ່ກົນທີ່ແອບແຝງ ໃນໂລກຂອງອິນເຕີເນັດ. ດັ່ງນັ້ນ, ຍັງມີຄົນຈຳນວນຫຼວງຫຼາຍຫຼີກລ້ຽງການຊື້ເຄື່ອງຜ່ານທາງອິນເຕີເນັດ ດ້ວຍເຫດຜົນດັ່ງຕໍ່ໄປນີ້:
- ຄວາມປອດໄພ ແລະ ຄວາມເປັນສ່ວນຕົວ – ຍາກທີ່ຈະລະດົມໃຫ້ຜູ້ຊົມໃຊ້ໃຫ້ເຊື່ອວ່າ ການຊຳລະ ແລະ ຄວາມເປັນສ່ວນຕົວມີຄວາມປອດໄພພຽງພໍບໍ່? ຈະໄດ້ເຄື່ອງຄືໃນພາຍຫຼືບໍ່? ແລະ ບາງອັນຊື້ແລ້ວກະສົ່ງຄືນບໍ່ໄດ້, ບໍ່ມີຮັບປະກັນ, ບໍ່ເຫັນເຄື່ອງຕົວຈິງ, ດັ່ງນັ້ນ ຈິ່ງລູກຄ້າຈິ່ງມັກຖືກຕົ້ມງ່າຍ.
- ຜູ້ຊົມໃຊ້ ຂາດຄວາມໄວ້ວາງໃຈ. ໂດຍສະເພາະການສັ່ງຊື້ຄັ້ງທຳອິດ. ບໍ່ຮູ້ຈັກໜ້າຂອງຜູ້ຂາຍເປັນແນວໃດ?
- ປ່ຽນຮູບແບບ ຈາກຮ້ານຂາຍຕົວຈິງທີ່ສຳພັດໄດ້ ມາເປັນຮ້ານທີ່ພຽງແຕ່ເຫັນດ້ວຍຕາເປົ່າ, ຢູ່ໃກ້ຕົວກັບຜູ້ຊື້ ແລະ ອາດເປັນສິ່ງທີ່ຍາກທີ່ຈະສ້າງຄວາມເຊື່ອຖື
- ບໍ່ໍສາມາດຈັບບາຍ ແລະ ຂາດຄວາມຮູ້ສຶກຜ່ານທາງອອນໄລ
- ຍັງມີບັນຫາທາງກົດໝາຍທີ່ບໍ່ທັນໄດ້ແກ້ໄຂ ເປັນຕົ້ນ ການຮັບປະກັນວ່າ: ສິ່ງທີ່ສັ່ງຊື້ໃນຮູບພາບແມ່ນ ອັນດຽວກັນບໍ່? ບາງຄັ້ງຮູບງາມ ແຕ່ຕົວຈິງພັດບໍ່ແມ່ນແນວນັ້ນ.
- ການຊຳລະຜ່ານທາງເອເລັກໂທຼນິກ ຍັງບໍ່ທັນໄດ້ຖືກນຳໃຊ້ ໃນຫຼາຍໆປະເທດ
ໃນປະຈຸບັນ, ສຳລັບ ປະເທດພັດທະນາ ກໍ່ໄດ້ຫຼຸດຄວາມສ່ຽງການຊື້ຂາຍລົງທັງໃນກຸ່ມຜູ້ຊື້-ຂາຍ, ປັບປຸງລະບົບການຮັບເງິນທັນສະໃໝ, ປອດໄພ, ແລະ ມີການປັບປຸງກົດໝາຍ ປົກປ້ອງຜູ້ຊື້-ຂາຍຢູ່ປະຈຳ. ຍ້ອນແນວນີ້, ຈິ່ງເຮັດໃຫ້ຄົນໃນຫຼາຍໆປະເທດເລືອກຊື້-ຂາຍ ອອນໄລຫຼາຍຂື້ນ. ມີທ່າວ່າຈະເພີ່ມຂື້ນປະຈຳ.
Viengsombath Bangonesengdet Editor in chief
ຊ່ວຍສ້າງສັນສິງເປັນປະໂຫຍດແກ່ສັງຄົມ. ມີຄວາມສາມາດທີ່ມາຈາກປະສົບການ ແລະ ການສຶກສາ ຕິດພັນກັບຂົງເຂດ: ຍຸດທະສາດການບໍລິຫານ, ການຕະຫຼາດ, ການວາງແຜນທຸລະກິດ, ການຄ້າ ທາງອອນໄລ, ນະໂຍບາຍບຸກຂະລາກອນ, ປັບປຸງອົງການຈັດຕັ້ງ, ການສ້າງຍີ່ຫໍ້ສິນຄ້າ ແລະ ສອນ ເຕັກນິກການນຳພາ. ທ່ານສາມາດ ໃຊ້ບໍລິການພິເສດ ຫຼື ຕິດຕາມເຕັກນິກຜ່ານທາງເວັບໄຊນີ້.
