ໂລກຫີວມາຢາມ

ຄົນສູງອາຍຸ, ເດັກ ແລະ ສະມາຊິກຄອບຄົວຫຼາຍໆຄົນ ໄດ້ອາໃສໃຕ້ຫຼັງຄາເຮືອນທີ່ແອອັດ. ໃນເວລາທີ່ການກັກບໍລິເວນ ຂອງໂຄລົມເບຍໄດ້ເລີ່ມຕົ້ນ, ຫຼາຍຄົນທີ່ອາໃສໃນເມື່ອງໄດ້ສູນເສຍວຽກເຮັດງານທຳ ເປັນຄັ້ງທຳອິດ.

ລັດຖະບານກ່າວວ່າຕັ້ງແຕ່ວັນທີ 7 ເດືອນເມສາເປັນຕົ້ນໄປ, ຈະເລີ່ມຈັດຫາເງິນອຸດໜູນ 160,000 ເປໂຊຂອງໂກລົມບີ (40 ໂດລາ) ໂດຍສະເລ່ຍຕໍ່ຄົວເຮືອນ. ສຳລັບສາມລ້ານຄອບຄົວທີ່ຕົກຢູ່ໃນສະພາບ “ຄວາມທຸກຍາກ ແລະ ຄວາມສ່ຽງຈາກໄພອຶດຫີວ”. ປະທານາທິບໍດີ ຂອງໂຄລົມເບຍກ່າວໃນການຖະແຫຼງຂ່າວ ໃນວັນພະຫັດວານນີ້ວ່າຕົນຈະໄດ້ມອບໂອນເງິນສົດໃຫ້ແກ່ 1 ລ້ານຄອບຄົວ ທີ່ມີຄວາມສ່ຽງອໄດອາຫານໃນອາທິດໜ້າ.

ຫົວໜ້າພະແນກແຜນການແຫ່ງຊາດຂອງລັດຖະບານ ກ່າວວ່າການໃຫ້ເງິນອຸດໜູນແກ່ບາງຊຸມຊົນແມ່ນ “ສິ່ງທ້າທາຍ” ຍ້ອນວ່າຫຼາຍໆຄົນບໍ່ເຄີຍລົງທະບຽນກັບລັດຖະບານມາກ່ອນ. ໃນຈຳນວນຊາວໂກລົມເບຍ ຈຳນວນຫລາຍ ໝື່ນຄົນ ມີພຽງ ສ່ວນນ້ອຍທີ່ໄດ້ລົງທະບຽນຫວ່າງງານເປັນທາງການ. ສຳລັບຫຼາຍໆຄົນ, ຜ້າແດງທີ່ແຂວນຢູ່ນອກປ່ອງຢ້ຽມຂອງພວກເຂົາແມ່ນສັນຍານທີ່ຄວາມຊ່ວຍເຫຼືອນີ້ຍັງບໍ່ທັນຮອດ.

ມີສາມສີທີ່ທາງການໃຫ້ນຳມາສະແດງທີ່ໜ້າເຮືອນ. ສີດຳໝາຍເຖິວ ຄວາມຮຸນແຮງ, ສີຟ້າ ຕ້ອງການຊ່ວຍເຫຼືອດ້ານການແພດ. ໃນນີ້ສິແດງແມ່ນຫຼາຍສຸດ ໃນຂອບເຂດບ້ານນອກ ແລະ ຫ່າງໃກຊອກຫຼີກ. ໂດຍສະເພາະແຖວນອກເມື່ອງ ທີ່ເຂດນະຄອນຫຼວງ. ເຊິ່ງເປັນບ່ອນທີ່ປະຊາກອນສ່ວນໃຫຍ່ເຮັດວຽກຢ່າງບໍ່ເປັນທາງການ, ໂດຍບໍ່ມີສັນຍາ ແລະ ມີລາຍໄດ້ບໍ່ເປັນປົກກະຕິຈາກການຂາຍແຮງງານປະຈຳວັນ.

ການປິດລ້ອມ ເຊິ່ງເລີ່ມຕົ້ນໃນວັນທີ 24 ມີນາ, ເຮັດໃຫ້ວຽກຂອງພວກເຂົາຖືກຢຸດສະງັກລົງຢ່າງຫຼວງຫຼາຍ ຍ້ອນວ່າລັດຖະບານຫ້າມບໍ່ໃຫ້ປະຊາຊົນຢູ່ຕາມຖະໜົນ ຫົນທາງເພື່ອສະກັດກັ້ນການແຜ່ລະບາດຂອງໄວຣັດ. ເຊິ່ງມາຮອດປັດຈຸບັນໄດ້ຕິດເຊື້ອຫຼາຍກວ່າ 5,000 ຄົນ ແລະ ເສຍຊີວິດຢ່າງໜ້ອຍ 233 ຄົນ. ການປິດລ້ອມດັ່ງກ່າວແມ່ນຈະສິ້ນສຸດລົງໃນວັນທີ 27 ເມສາ, ແຕ່ປະທານາທິບໍດີ ໄດ້ຂະຫຍາຍເວລາສອງອາທິດຕື່ມອີກ, ເຊິ່ງກໍ່ໃຫ້ເກີດຄວາມວິຕົກກັງວົນຕື່ມອີກໃນບັນດາກຸ່ມຄົນງານ.

ອງການຈັດຕັ້ງຊ່ວຍເຫຼືອສັງຄົມ ໄດ້ຊ່ວຍເຫຼືອຫຼາຍກວ່າ 200 ຄອບຄົວ ນັບຕັ້ງແຕ່ການກັກກັນໄດ້ເລີ່ມຕົ້ນ. ແຕ່ງົບປະມານ ຂອງພວກເຂົາແມ່ນຈຳກັດ. ໃນຂະນະທີ່ຄວາມຕ້ອງການແມ່ນ ຫຼາຍຂື້ນທຸກໆມື້. ພວກເຮົາມີຄົນອ້ອນວອນຂໍຄວາມຊ່ວຍເຫຼືອ, ແຕ່ວ່າອົງກອນບໍ່ມີງົບພຽງພໍສຳລັບທຸກຄົນ. ປະຊາຊົນບໍ່ພຽງແຕ່ຕ້ອງການອາຫານ, ຍັງລວມເອົາເຄື່ອງໃຊ້ ແລະ ເຄື່ອງດື່ມ ເປັນຕົ້ນນໍ້າສະອາດ.

ຜູ້ອຳນວຍການຝ່າຍປະຕິບັດງານເພື່ອຕ້ານຄວາມອຶດຫີວຂອງປະເທດໂຄລົມເບຍກ່າວວ່າ “ຜ້າສີດຳ ໝາຍ ຄວາມວ່າຄວາມຮຸນແຮງບາງຊະນິດກຳລັງປະສົບຢູ່ໃນເຮືອນ, ສີຟ້າແມ່ນເວລາມີຄວາມຕ້ອງການທາງການແພດ ແລະ ສີແດງແມ່ນເວລາພວກເຂົາຕ້ອງການອາຫານ. ຄວາມຕ້ອງການຈະດຳເນີນຕໍ່ໄປ ແລະ ແນ່ນອນຈະເພີ່ມຂື້ນໃນອາທິດແລະເດືອນຂ້າງໜ້າ.

ໃນຂະນະທີ່ຫລາຍໆຄົນໄດ້ສະແດງສີແດງຢູ່ນອກປ່ອງຢ້ຽມ, ບາງຄົນເວົ້າວ່າພວກເຂົາຍັງບໍ່ໄດ້ຮັບການຊ່ວຍເຫລືອໃດໆ. ສະຖານະການແມ່ນຫຍຸ້ງຍາກ. ຫຼາຍຄອບຄົວມີເງິນຝາກປະຢັດພຽງເລັກນ້ອຍ ແລະ ຖືກນຳໃຊ້ໄປໃນກ່ອນໜ້ານີ້. ບໍ່ສະເພາະແຕ່ປະເທດກຳລັງພັດທະນາ, ປະເທດເສດຖະກິດໃຫຍ່ໆເຊັ່ນ ອາເມລິກາ ກໍ່ກຳລັງປະສົບພົບພໍ້ກັບບັນຫານີ້ຄືກັນ. ຄົນຂາຍແຮງງານ ບໍ່ສາມາດທົນກັບສະພາບການກັກຕົວໄດ້ດົນ. ຍິ່ງເສດຖະກິດໃຫຍ່ເທົ່າໃດກໍ່ຍິ່ງກະທົບ.