ທຸກໆປີຈະມີການສະຫຼອງ ວັນແມ່ຍິງໃນວັນທີ 8 ເດືອນ ມີນາ. ຈະເວົ້າໄປແລ້ວບໍ່ແມ່ນເປັນການປະກາດໄຊຊະນະຕໍ່ກັບສິ່ງທີ່ເລີ່ມມີການຕໍ່ສູ້ເລື່ອງບົດບາດຍິງ-ຊາຍ. ເປັນວັນໜຶ່ງຂອງແມ່ຍິງທີ່ສະແດງໃຫ້ສັງຄົມເຫັນຫຼາຍໆສິດທີ່ທາງແມ່ຍິງພະຍາຍາມໃຫ້ໄດ້ມາ.
ການໂອ້ລົມກັບແມ່ຍິງ ຈະມີສິ່ງໜ້າສົນໃຈຫຼາຍ ແລະ ຫຼາຍໆຄັ້ງ ຂ້າພະເຈົ້າຈະຮູ້ສຶກຫົດຫູ່ກັບຊີວິດ. ນອກຈາກການເຫັນກິລິຍາທີ່ສວຍງາມກໍ່ຍັງເຫັນ ທັກສະການເບິ່ງໂລກທີ່ແຕກຕ່າງຈາກຜູ້ຊາຍ. ສິ່ງໜຶ່ງທີ່ເຫັນລະແມ່ນຈະໄດ້ຍິນເຂົາເຈົ້າເວົ້າບັນຫາທີ່ເດັກຊາຍ ຫຼື ຜູ້ຊາຍບໍ່ລົມກັນ. ເຊັ່ນ: ເລື່ອງສຸຂະພາບທີ່ມັກຈະມີການກະທົບຫຼາຍ, ເລື່ອງການເບິ່ງແຍງລູກ, ຫຼື ເລື່ອງລາຍຮັບ. ສິ່ງທີ່ຍັງປິດບັງໄວ້ບໍ່ເວົ້າກໍ່ຄື ການຖືກໃຊ້ຄວາມຮຸນແຮງຈາກຄອບຄົວ. ໃນຫຼາຍໆບ່ອນທີ່ຫ່າງໄກ, ແມ່ຍິງທີ່ຖືກໃຊ້ຄວາມຮຸນແຮງ ມັກຈະເກັບເລື່ອງເຫຼົ່ານັ້ນໄວ້ເປັນຄວາມລັບ ຍ້ອນອາຍ. ການລົງໂທດຕໍ່ຜູ້ກະທຳຜິດໜ້ອຍຫຼາຍ ຫຼື ບໍ່ສົມກັບການສູນເສຍຂອງແມ່ຍິງ.
“ການພັດທະນາເດັກ ໃນ 1000 ວັນທຳອິດນັ້ນ ສຳຄັນຫຼາຍຕໍ່ກັບການພັດທະນາຂອງຊີວິດມະນຸດໃນການກາຍເປັນຜູ້ໃຫຍ່ທີ່ມີຄຸນນະພາບ.”
ເມື່ອເວົ້າເຖິງສຸຂະພາບ ກໍ່ຍັງເປັນບັນຫາໃຫຍ່, ແມ່ຍິງ ກັບອັດຕາການຕາຍນັ້ນສຳຄັນຫຼາຍ. ຖ້າຫາກການເກີດມີການຂະຫຍາຍຕົວໜ້ອຍ ກໍ່ຈະເຮັດໃຫ້ແຮງງານເຮັດວຽກ ແລະ ປະຊາກອນບໍ່ມີຄວາມສົມດຸນ. ການຕາຍ ຫຼື ການເກີດຫຼັງການຕາຍ ກໍ່ເປັນວຽກງານສາທາລະນະສຸກ ທີ່ໄດ້ຮັບການພັດທະນາໃນຫຼາຍໆປີຜ່ານມາ. ບໍ່ສະເພາະແຕ່ແມ່, ເດັກເກີດໃໝ່ບໍ່ວ່າຈະເປັນຍິງຫຼື ຊາຍນັ້ນຈຳເປັນຕ້ອງການອາຫານ ແລະ ເງື່ອນໄຂເພື່ອສ້າງຄວາມສົມດຸນທາງຮ່າງກາຍ. ມີການຄົ້ນພົບວ່າ ການພັດທະນາເດັກ ໃນ 1000 ວັນທຳອິດນັ້ນ ສຳຄັນຫຼາຍຕໍ່ກັບການພັດທະນາຂອງຊີວິດມະນຸດໃນການກາຍເປັນຜູ້ໃຫຍ່ທີ່ມີຄຸນນະພາບ.
ການສ້າງເງື່ອນໄຂໃຫ້ແມ່ຍິງໄດ້ຮັບການພັກຜ່ອນຫຼັງເກີດລູກ ຈຶ່ງເປັນສິ່ງສຳຄັນ. ພ້ອມດຽວກັນນັ້ນ, ການຊ່ວຍເຫຼືອຈາກຜົວ ໃນການເບິ່ງແຍງລູກ ກໍ່ຈະຊ່ວຍຫຼຸດຜ່ອນຄວາມເຄັ່ງຕຶງ ແລະ ສ້າງຄວາມຜູກພັນພາຍໃນຄອບຄົວໃຫ້ດີຂຶ້ນ. ສິດທິໃນການພັກຜ່ອນ ແລະ ການເບິ່ງແຍງສຸຂະພາບ ເປັນສິ່ງທີ່ແມ່ຍິງຄວນໄດ້ຮັບ ເພື່ອໃຫ້ເຂົາເຈົ້າສາມາດກາຍເປັນກຳລັງສຳຄັນ ໃນການພັດທະນາປະເທດຊາດຕໍ່ໄປ.
ທ່ານຄິດວ່າສັງຄົມເຮົາຄວນເພີ່ມການຊ່ວຍເຫຼືອແມ່ຍິງຖືພາ ແລະ ແມ່ລູກອ່ອນໃນດ້ານໃດແດ່? 👇
